Pique i kishte kërkuar klubit që ta largonin Messi-n nga Barcelona

Dita kur Lionel Messi i dha një lamtumirë Barcelonës me lot, ishte një moment pikëllues, jo vetëm për Blaugranët, por për botën e futbollit.

Lëvizja ishte pasojë e një lëvizjeje të dëshpëruar nga klubi për të pastruar financat e tyre dhe për të respektuar Fair Play-in Financiar të vendosur nga FIFA.

Në atë kohë, Messi sapo kishte fituar Kupën e Amerikës me Argjentinën në vitin 2021 dhe i kishte thënë klubit se dëshira e tij ishte të qëndronte në Barcelonë, me kthimin e Joan Laporta. Megjithatë, ai duhej të largohej.

Messi pati një vit të parë të vështirë në klubin e tij të ri, PSG, por ai tashmë është figura që pritej të ishte në Paris, duke fituar një titull lige dhe më në fund duke u bërë kampion bote në nivel ndërkombëtar në Katar.

Megjithatë, këtë të premte doli në pah ajo që ndodhi në zemër të klubit katalanas, pasi bordi vendosi të mos ruante figurën e tij më të lartë dhe një nga ata që u akuzuan se ndikoi në vendimin përfundimtar të bordit ishte një tjetër drejtues i skuadrës, askush tjetër përveç Pique.

Sipas gazetarit spanjoll ‘Pipi’ Estrada, nga programi Salvame, ‘tradhtia’ e Piques shkaktoi një përçarje të pakalueshme mes dy lojtarëve, pavarësisht se të dy luanin së bashku në ekipin katalanas nga radhët e të rinjve. Arsyeja: Messi zbuloi se Pique kishte komplotuar me drejtuesit kryesorë të klubit për ta liruar argjentinasin.

X:Debe estar con otro
Yo con mi abuela a las 11 de la noche haciendo teorías conspirativas, sobre Piqué, clara chia, shakira y Messi porque ARGENTINA CAMPEÓN pic.twitter.com/cTZJPjfz7S

— Martina ladanyi (@LadanyiMartina) February 2, 2023

Ky ka qenë argumenti i ish-mbrojtësit katalanas, i cili ka acaruar Messi-n, i cili si kundërpërgjigje i ka lënë një mesazh ankese teksa i ka dhënë lamtumirën skuadrës katalanas.

“Në një rast, kur Messi duhet të largohet nga Barcelona për shkak të problemeve financiare, kjo histori ndikohet nga Gerard Pique. Messi zbret në dhomën e zhveshjes për të marrë gjërat e tij nga dollapi dhe aty është një dërrasë e zezë. Dhe para se të largohet, Messi e shkruan fjalën ‘Juda’ me shkronja të mëdha”, tha Estrada.

Gazetari tha se kur Gerard Pique zbriti në dhomën e zhveshjes lexoi mesazhin: “Pique pyeti Jordi Alba se kush e kishte shkruar: Leo. Dhe për kë? Për ty”, u përgjigj një tjetër nga lojtarët kryesorë të skuadrës.

Madje si pjesë e kësaj mosmarrëveshje u raportua se me kalimin e kohës kishte një marrëdhënie të keqe mes partnerëve të atëhershëm të Pique dhe Messit: Shakira dhe Antonela Roccuzzo, përkatësisht.

Por së fundmi bashkëshortja e Messi-t ka shprehur mbështetjen e saj për këngëtaren kolumbiane dhe për këtë dëshmojnë pëlqimet që Antonela ka lënë në postimet e ndryshme të Shakirës në rrjetet sociale.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.