Phoenix Suns është skuadra e momentit në ligën amerikane të basketbollit, NBA, të cilët morën fitoren e 11-të radhazi.
Suns këtë radhë mposhtën në shtëpi Brooklyn Nets me rezultat 121:111, duke mbajtur pozitën e parë në tabelën e Konferencës Perëndimore me 41 fitore e nëntë humbje.
Devin Booker ishte më efikasi në këtë sfidë, i cili realizoi 35 pikë e gjashtë kërcime, derisa edhe Chris Paul kontribuoi me 20 pikë e 14 asistime.
Kurse për mysafirët e Nets u dallua Mikal Bridges, i cili realizoi 27 pikë, tetë kërcime e katër asistime.
Ndërkohë, te suksesi u rikthyen edhe kampionët në fuqi të NBA, Milwaukee Bucks, të cilët shënuan fitore në shtëpi përballë Washington Wizards, me rezultat 112:98.
Giannis Antetokounmpo ishte protagonist në fitoren e Bucks në këtë takim, i cili realizoi “triple-duble”, duke shënuar 33 pikë, 15 kërcime e 11 asistime, ndërsa për miqtë u dallua Kyle Kuzma, i cili shënoi 25 pikë e 11 kërcime.
Ndërkohë, edhe pse pa yllin e tyre Stephen Curry-n, Golden State Warriors morën fitoren e shtatë radhazi, të cilët mposhtën në udhëtim San Antonio Spurs, me rezultat të ngushtë 120:124.
Më i dalluari në këtë sfidë, ishte basketbollisti i Warriors, Jordan Poole, i cili realizoi 31 pikë, gjashtë kërcime e pesë asistime.
Ndërsa për Spurs, lojë të mirë shfaqi Dejounte Murray, i cili ishte shumë afër të arrinte “triple-duble”, duke shënuar 27 pikë, nëntë kërcime e nëntë asistime.
Suksesin e radhës e morën edhe Chicago Bulls, të cilët mposhtën në shtëpi Orlando Magic me shifrat 126:115.
DeMar DeRozan ishte më i miri i sfidës te Chicago, duke shënuar 29 pikë, 10 kërcime e pesë asistime, ndërsa për miqtë u dallua Wendell Carter me 24 pikë, tetë kërcime e gjashtë asistime.
Rezultatet e ndeshjeve tjera:
Detroit Pistons 101 – 111 New Orleans Pelicans
Toronto Raptors 110 – 106 Miami Heat
Minnesota Timberëolves 130 – 115 Denver Nuggets
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit