Ka përfunduar pjesa e parë e ndeshjes mes Gjeorgjisë dhe Kosovës, në kuadër të kualifikimeve të Kampionatit Botëror “Katar 2022”.
Kosova është duke udhëhequr me epërsi minimale prej 0:1, pas autogolit të shënuar nga gjeorgjiani Davit Khocholava, në minutën e 18-të të takimit.
Khocholava e dërgoi topin gabimisht në rrjetë pas një harkimi shumë të mirë nga Valon Berisha dhe i gjendur në presion të Vedat Muriqit.
Loja në përgjithësi është duke u zhvilluar me pak aksione nga të dyja skuadrat.
Përzgjedhësi i Gjeorgjisë, Willy Sagnol, ishte i detyruar të bëjë një zëvendësim qysh në minutën e 12-të, pasi Otar Kiteishvili pësoi një lëndim.
Futbollisti i vetëm i ndëshkuar në këtë takim, është Valon Berisha, i cili mori karton të verdhë në minutën e 26-të.
Ndërkohë nëse ndëshkohen me karton të verdhë Florent Hadërgjonaj, Besar Halimi dhe Vedat Muriqi, atëherë nuk do të paraqiten në ndeshjen e së dielës ndaj Greqisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
Komisioni Hetimor për shëndetësinë në ngërç, do të marrë zgjidhje?
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova mund të pranohet në Këshillin e Evropës si anëtare e asociuar
