Kompania kineze e tregtimit elektronik, Alibaba, ka shkarkuar një menaxher të akuzuar për përdhunim.
Shefi ekzekutiv i saj ndёrkohё dënoi atё qё e quajti “kulturën e shëmtuar të konsumimit të alkoolit” pas ngjarjes në fjalë.
Punonjësja e paidentifikuar akuzoi menaxherin e saj dhe një klient për sulme seksuale gjatë një udhëtimi pune në Kinën Lindore, sipas raporteve të mediave.
Dyshohet se ajo nuk ishte e vetëdijshme, pas sasisë së tepërt të alkoolit. Më pas atë e dhunuan.
Të hënën, shefi ekzekutiv i Alibaba-s, Daniel Zhang, lëshoi një memorandum të brendshëm për stafin, duke dënuar sulmin dhe trajtimin fillestar të ankesës nga kompania e tij.
Ai tha se hetimet e brendshme zbuluan se i akuzuari kishte pranuar “veprime intime” me gruan, ndërsa ishte e dehur, duke shkelur në këtë mënyrë politikën e kompanisë.
“Ai do të pushohet nga puna dhe nuk do të punësohet kurrë”, tha Zhang, duke shtuar se çështja tani i përket policisë.
Një përfaqësues i kompanisë konfirmoi gjithashtu shkarkimin e të akuzuarit. Klienti i përfshirë ishte shkarkuar po ashtu nga kompania ku ishte i punësuar.
Zhang gjithashtu goditi “kulturën e shëmtuar të konsumimit të alkoolit në mënyrë të detyruar”, duke shtuar se, pavarësisht gjinisё, nëse është një kërkesë e bërë nga një klient apo mbikëqyrës, punonjësit janë të autorizuar ta refuzojnë atë”.
Gruaja fillimisht paraqiti sulmin e dyshuar te menaxherët e lartë, pёrmes një letre, e cila qarkulloi gjerësisht dhe në mediat sociale kineze, ndёrsa mё vonё vendosi të bëhej publike.
Rasti i saj u bë shpejt viral në platformën Weibo të Twitter-it të Kinës, me një hashtag, i cili u pa mbi 820 milionё herë.
Menjëherë pati një nxitje të përdoruesve, të cilët filluan të ndanin përvojat e tyre.
Një grua tregoi se mbikëqyrësi i saj “kishte bёrё njё sy qorr” kur të tjerët e shtynë të pinte në një darkë pune dhe të nesërmen ishte pyetur vetëm “nёse ishte mirё”.
Presidenti i grupit Alibaba, Li Yonghe, dhe gjeneralisti i burimeve njerëzore, Xu Kun, dhanё dorëheqjen.
Alibaba u zotua të krijonte një kanal të dedikuar raportimi për më shumë se 254 mijё persona staf tё tij.
Sulmet seksuale kanë tërhequr vëmendje në rritje në Kinë kohët e fundit. Superstari kinez-kanadez Kris Wu qëndron në radhët e tyre dhe po hetohet aktualisht nën akuzat e përdhunimit.
Ai vetë i ka mohuar akuzat në fjalë.
Më herët Alibaba ka qenë nën kontrollin e rreptё tё qeverisë, në mes të një fushate të gjerë për të frenuar monopolizimin e kompanive të teknologjisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës