Për 10 muaj ATK ka grumbulluar mbi 512 milionë euro tatime, 122 milionë më tepër se një vit më parë

Nga janari deri në tetor të këtij viti, Agjencia Tatimore e Kosovës ka mbledhur mbi 512 milionë euro tatime.

Sipas ATK-së të hyrat tejkalojnë projeksionet për këtë periudhë kalendarike, ndërsa kanë shënuar një ngritje prej 122.1 milionë euro krahasuar me periudhën e njëjtë vitin e kaluar.

“Nëse i referohemi planit kemi rritje të inkasimit mbi 40 milion euro apo 8.5%. Sipas këtij trendi ATK pret që deri në fund të këtij viti të tejkaloj totalin e projeksionin për 2021”.

“Indikatorët të cilët çdoherë janë duke dhënë rezultate në realizimin e objektivave, janë shërbimet e mira ndaj tatimpaguesve, të cilat afro 100 për qind janë digjitalizuar, po ashtu trajtimi i barbarët dhe profesional janë vlerë e shtuar e këtij reflektimi të performancës”.

ATK, ka falënderuar të gjithë tatimpaguesit të cilët kanë kryer obligimet e tyre tatimore, duke i inkurajuar gjithë pjesën tjetër të tatimpaguesve të cilët nuk kanë deklaruar saktë pjesën që ju takon, t’i përgjigjen thirrjeve të ATK-së, me qëllimin e vetëm që mos të bëhen objekt i masave ndëshkimore”, thuhet nga ATK-ja.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.