Ishte raportuar si i zhdukur.
Para tre dite, fotografia e tij bashkë me shumë të dhëna të tjera, ishin shpërndarë nga Policia e Kosovës për të kërkuar ndihmë në identifikimin dhe gjetjen e Goran Kociç nga Shtërpca.
U angazhuan edhe ekipet e kërkim shpëtimit të Gardës Kombëtare të Forcës së Sigurisë së Kosovës.
Kociç, 29 vjeçar u gjet mbrëmë rreth orës 21:00 në rajonin e Suharekës.
“I cili fillimisht nga policia është dërguar në Qendrën e Mjekësisë Familjare në Suharekë dhe sipas mjekëve kujdestarë gjendja e tij shëndetësore është e mirë, nuk ka lëndime”, thuhet në njoftimin e Policisë së Kosovës, për medie.
Pas kontrolleve e procedurave ai i është dorëzuar familjes.
“Për të gjitha veprimet është njoftuar prokurori i rastit nga Prokuroria Themelore në Ferizaj. Personi i gjetur i dorëzohet familjes së tij”.
“Policia Rajonale e Ferizajt i falënderon ekipet e kërkim shpëtimit nga Forca e Sigurisë , “Shërbimin e Kërkim-Shpëtimit Malor të Kosovës”, policët e stacionit në Suharekë, e në veçanti qytetarët që ndihmuan për gjetjen e tij”, thuhet në njoftim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Çfarë përfiton Tajvani nga paketa e ndihmës së huaj?
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
