Partia e Netanyahu-t: Të gjithë liderët e koalicionit mbështesin krijimin e një qeverie emergjente
Udhëheqësit e koalicionit qeverisës të Izraelit u takuan të martën në Tel Aviv. Pas takimit, partia Likud e kryeministrit Benjamin Netanyahu lëshoi deklaratën e mëposhtme:
“Të gjithë krerët e koalicioneve, pa përjashtim, mbështetën krijimin e një qeverie të unitetit kombëtar urgjent dhe i besuan kryeministrit Netanyahu të punojë drejt krijimit të saj”.
Kështu raporton gazeta vendase “Haaretz”.
Kujtojmë që, formimi i një qeverie uniteti emergjente në kohë lufte do të regjistrohej për herë të parë në Izrael që nga viti 1973.
Ndërsa shumica e liderëve politikë izraelitë po bëjnë thirrje për formimin e një qeverie emergjente, ministri i Sigurisë Kombëtare të Izraelit, Itamar Ben-Gvir e ka bërë të qartë se ai kundërshton krijimin e një kabineti të reduktuar të luftës, ose ndonjë alternativë ndaj kabinetit të qeverisë aktuale, raporton “Haaretz” duke cituar një burim brenda koalicionit qeveritar.
Negociatat rreth një qeverie uniteti emergjente vazhduan të hënën në Izrael, me Partinë e Unitetit Kombëtar që kërkon krijimin e një kabineti lufte duke përjashtuar ministrat e ekstremit të djathtë Itamar Ben-Gvir dhe Bezalel Smotrich.
Dy ditë pasi Hamasi nisi një sulm të befasishëm që tronditi Izraelin dhe vrau qindra, përfaqësues nga Partia e Unitetit Kombëtar të ish-Ministrit të Mbrojtjes Benny Gantz dhe nga Likud e kryeministrit Benjamin Netanyahu u takuan për të diskutuar mundësinë e një koalicioni emergjent që do të zgjasë për kohëzgjatjen e luftës.
Në fund të takimit, përfaqësuesit e partisë së Gantz-it sugjeruan një propozim për krijimin e një kabineti luftarak të thjeshtë, me anëtarë që ishin Netanyahu, Ministri i Mbrojtjes Yoav Gallant, Gantz dhe kolegu i partisë së Gantz-it, ish-shefi i shtabit të IDF-së Gadi Eisenkot.
Ata kërkuan që vendimet për luftën të merren në këtë kabinet të strukturuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
‘Flet partia e vulës për moral’, Meta për Bashën: Edhe kur fle nuk ngopet së gënjyeri
-
Realizuam procedurën e paraaplikimit në SEPA, thotë ministri Mete
-
Akuzat e Metës, reagon PD: Koha kur ushqehej me “gjakun” e demokratëve ka marrë fund
-
Vendosja e kamerave në Veri “përplasë” Qeverinë me Listën Serbe
Lajmet kryesore
-
Meta “harron” Dumanin – akuza dhe paralajmërime për kundërshtarët
-
Realizuam procedurën e paraaplikimit në SEPA, thotë ministri Mete
-
Putini nuk e ka urdhëruar vdekjen e Navalnyt në shkurt, besojnë agjencitë amerikane
-
Kodi Civil si kundërpeshë e Asociacionit? – Premtimi i Kurtit për ta amortizuar presionin ndërkombëtar