Komisioni i Sportit dhe Kulturës në Parlamentin Evropian ka votuar kundër projektit të Superligës dhe propozimit që Kupa e Botës të organizohet çdo dy vite.
Gjatë mbledhjes së sotme, votat kundër këtyre propozimeve kanë qenë pothuajse unanime.
29 nga 30 pjesëmarrësit e komisionit votuan kundër, kurse vetëm një votoi pro.
Kjo me shumë mundësi do të thotë përfundimi i idesë së Kupës së Botës për çdo dy vite, por jo edhe fundi i projektit të Superligës.
Superliga dhe krijuesit e saj tani janë futur në një luftë pa kthim me institucionin më të lartë të futbollit evropian, UEFA-n, dhe vendimi do t’i takojë Gjykatës Evropiane të Drejtësisë.
Vendimi i Gjykatës Evropiane do të jetë përfundimtar, dhe çdo gjë tjetër që vjen para ose pas saj, barazohet me zero.
Gjithsesi, fjala e komisionit për Sport dhe Kulturë në Parlamentin Evropian, tregon zërin e bashkuar të shteteve evropiane që ta ‘mbrojnë’ futbollin dhe dinjitetin e tij aktual.
Në këtë mbledhje, sot u bë edhe një propozim shumë i rëndësishëm sa i përket blerjes së klubeve, që pritet të marrë aprovimin nga të gjithë.
Propozimi thotë që asnjë investitor i huaj nuk mund të blejë më shumë se 49% të të drejtave të klubeve evropiane.
Është hera e parë që ky komision merr vendime kaq të rëndësishme, që tash e pas pritet të kenë ndikim shumë të madh në mënyrën se si veprohet me futbollin në kontinentin e vjetër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”