Paris Saint-Germain ka arritur një fitore të thellë në fushën e Lille, për t’u kthyer te fitorja pas një periudhe të vështirë.
Skuadra e drejtuar nga Mauricio Pochettino, ishte mysafire e kampionëve të Lille.
Se kjo ndeshje do të ishte e lehtë për ta, u vërtetua qysh në fillim.
Pas një gabimi të Lille, Danilo u gjend në vendin e duhur për të shënuar për 0-1.
Lille e gjeti barazimin me Botman, mirëpo vetëm katër minuta më vonë, Kimpembe riktheu epërsinë e parisienëve.
Në minutën e 38-të, radhën që të shënonte e kishte Lionel Messi.
Pas 23 javëve, ky është vetëm goli i dytë i Lionel Messi-t në Ligue 1.
Në pjesën e dytë, Paris-i e kishte shumë të lehtë, të kontrollonte ndeshje dhe të shënonte sërish.
Sikur në pjesën e parë, edhe në pjesën e dytë golin e gjeti i pari Danilo.
Portugezi në minutën e 51-të shënoi për 1-4.
Shtatë minuta pasi u mbyll një orë lojë, Mbappe me një super gol shënoi për 1-5, që doli të ishte edhe rezultati përfundimtar.
PSG përfitoi nga gabimi i Nice, për t’u ngjitur plus 13 në krye pas 23 javëve, duke e mbyllur thuajse 100% temën e kampionit.
Lille mbetet në vendin e 11-të.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojnë në Kosovë derisa Serbia të demokratizohet
