Pas Mike Tyson, Roy Jones Jr dhe Evander Holyfield, me sa duket, Oscar De La Hoya po i bashkohet valles së legjendave të boksit, të cilët janë rikhyer në ring për ndeshje ekzibicioni.
De La Hoya ka më shumë se 12 vjet pa veshur dorezat e boksit.
Ish-kampioni në gjashtë pesha të ndryshme, Oscar De La Hoya parasheh të rikthehet në ring në moshën 47 vjeçare.
De La Hoya ka shprehur publikisht për shtypin e sportit amerikan, se ka dashur gjithnjë të marrë hak kundër Floyd Mayweather.
Oscar De La Hoya, i njohur si ‘Golden Boy’ (djali i artë), ka boksuar nga viti 1992 deri në 2008 dhe ka fituar 11 herë titullin e kampionit të botës, në gjashtë kategori të ndryshme peshash.
Pasi hoqi dorë nga sporti, ylli i boksit meksikan iu fut menaxhimit të boksit.
Tashmë që ka hedhur veten sërish në treg, ai ka kërkuar gjithashtu të ndeshet edhe më patriotin, e ish-klientin e tij, Canelo Alvares, kampioni aktual i peshave të mesme.
Oscar de La Hoya e ka mbyllur karrierën e tij me 39 fitore, prej të cilave 30 me nokaut dhe gjashtë humbje./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Edhe Britania e do Asociacionin sa më shpejt që të jetë e mundur
