Organizata jo – qeveritare, Demokraci Plus ka kërkuar nga Presidentja e Kosovës, Vjosa Osmani, ta shkarkojë anëtarin e Komisionit Qendror të Zgjedhjeve nga radhët e Lëvizjes Vetëvendosje, Sami Kurteshi, pas incidentit së ditës së mërkurë ku i përfshirë ishte Kurteshi dhe një punonjës i këtij institucioni.
Sipas tyre, me këtë veprim Kurteshi ka dëmtuar statusin dhe integritetin e KQZ-së.
“Kërkojmë nga Presidentja Osmani-Sadriu, që duke u bazuar në Ligjin për Zgjedhjet e Përgjithshme, nenin 61 paragrafi 5, shkronja d, të shkarkojë anëtarin e KQZ-së Sami Kurteshin, për të mbrojtur statusin dhe integritetin e KQZ-së”
Në reagimin e organizatës në fjalë Kurteshi është kritikuar edhe për ndryshimin e deklarimeve duke e cilësuar këtë si një veprim moralisht të gabuar.
“Në mbledhjen e ditës së enjte të KQZ-së, Kurteshi ka pranuar që është përfshirë në një incident me një nëpunës të KQZ-së, duke marrë përsipër rolin e policisë, në vend se të denoncoi në organet përgjegjëse personin në rast të mos respektimit të masave për mbrojtje nga COVID-19. Një ditë më herët, z. Kurteshi kishte deklaruar se nuk e ka sulmuar askënd”, thuhet në njoftimin e organizatës në Facebook.
Policia e Kosovës, gjatë ditës së mërkure kishte nisur hetimet ndaj anëtarit të KQZ-së, Sami Kurteshi.
“Viktima mashkull kosovar ka deklaruar se, në korridor të objektit është shtyrë dhe larguar nga korridori nga i dyshuari mashkull kosovar për shkak se viktima nuk e kishte maskën. Lidhur me rastin janë intervistuar dy dëshmitar rasti. Është njoftuar edhe prokurori, ndërsa rasti vazhdon të hetohet”, thuhet në njoftimin e Policisë.
Arsyeja e konfliktit, kishte të bëjë me mos-bartjen e maskës nga punëtori i KQZ-së.
Megjithatë, vetë Kurteshi e ka mohuar gjithë ngjarjen.
“Nuk është e vërtetë” ka thënë kur u pyet nga Albanian Post për konfliktin, të raportuar edhe në media të tjera.
“Është gënjeshtër”, shtoi ai duke mohuar në tërësi ngjarjen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Në Kosovë kërkohet hartimi i një Ligji për parandalimin e vetëvrasjes
-
Osmani: Mickoski na ktheu në Jugosllavi, zgjedh përfaqësuesit e shqiptarëve pa vullnetin e tyre – si Serbia, Rrahman Morinën
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE
-
Szunyog kërkon nga Kosova dhe Serbia bashkëpunim për Deklaratën për Personat e Zhdukur
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE