Japonia po shqyrton mundësinë e përzierjes së vaksinës COVID-19 të AstraZeneca Plc (AZN.L), me ato të krijuara nga prodhues të tjerë të ilaçeve, në një përpjekje për të përshpejtuar imunizimin e popullatës.
Këtë e ka komunikuar ministri përgjegjës për vaksinimet në Japoni, të dielën e 29 gushtit.
Japonia, e cila më parë është mbështetur në vaksinat Pfizer Inc (PFE.N)/BioNTech SE (22UAy.DE) dhe Moderna Inc (MRNA.O), miratoi vaksinën e AstraZeneca-s gjatë muajit korrik dhe ka siguruar 2 milionë doza.
“Unë i kam kërkuar Ministrisë së Shëndetësisë të dalë me një opinion në lidhje me përdorimin e vaksinave AstraZeneca për dozën e parë dhe të Pfizer me dozën e dytë, ose AstraZeneca si e para dhe Moderna si të dytën”, tha shefi i programit të vaksinave, Taro Kono, në Rrjetin televiziv “Fuji”.
Më tej, ai tha se kjo metodë mund të përshpejtojë fillimin e vaksinimit, duke shkurtuar intervalet midis dozave të para dhe të dyta kur përdoret vaksina AstraZeneca.
Dy injeksionet e AstraZeneca-s administrohen me një interval prej tetë javësh, më i gjatë se për vaksinat e tjera.
Japonia po lufton me valën e saj më të keqe të infeksioneve, të nxitur nga varianti Delta, me raste të reja ditore që e tejkalon numrin prej 25 mijë.
Raporti i vaksinimit të vendit ka mbetur prapa kombeve të tjera të zhvilluara. Japonia ka vaksinuar 54% të popullsisë së saj me të paktën një dozë dhe ka vaksinuar plotësisht 43%.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi: Ne fillojmë negociatat me VMRO-në në momentin kur ata janë gati ta tregojnë ditën për ndryshimet kushtetuese
-
Szunyog kërkon nga Kosova dhe Serbia bashkëpunim për Deklaratën për Personat e Zhdukur
-
Gjykimi ndaj Krivaqës dhe Sejdiut nis më 16 maj
-
Martens: Kushtëzimi i Kosovës s’do të thotë gjë tjetër veçse t’i jepet Serbisë e drejta e vetos në Këshillin e Evropës
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës