Newcastle dhe Crystal Palace thuhet se janë duke udhëhequr garën për të nënshkruar me sulmuesin argjentinas të vlerësuar me 30 milionë euro, Matias Soule nga Juventus.
“Magpies” po luftojnë me një krizë dëmtimesh dhe mund të vendosen të forcojnë opsionet e tyre në janar për shkak të skuadrës së tyre të dobët.
Botimi italian “La Gazzetta dello Sport”, ka pohuar se skuadra e Eddie Howe dhe Palace po udhëheqin garën për të nënshkruar me Soule, i cili aktualisht është i huazuar te Frosinone.
Ylli 20-vjeçar ka impresionuar deri më tani në Serie A, duke shënuar gjashtë gola në 12 paraqitje deri më sot.
Soule bëri 21 paraqitje për Juventus-in përpara se të huazohej këtë sezon dhe gjithashtu ka bërë shtatë paraqitje për skuadrën U20 të Argjentinës.
Juventus raportohet se po planifikon të shesë disa nga yjet e tyre të rinj te klubet e Premier League për të mbledhur fonde për dritaren e janarit.
Ka pasur gjithashtu raporte se anësori anglez Samuel Iling-Junior mund të shitet muajin e ardhshëm, me skuadrat e Premier League Tottenham, Aston Villa dhe Brighton që të gjithë thuhet se janë të interesuar.
Për të bindur Frosinone që të ndahet me Soule, Juventus mund t’u ofrojë atyre qendërmbrojtësin premtues Dean Huijsen në huazim deri në verë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Shpërthimi i radhës nga Ilir Meta dhe synimi për të qenë koka e opozitës
-
Rama mbledh deputetët dhe ministrat për qeverisjen, korrupsionin dhe vizionin e ri 2030
-
Osmani s’ka hatërbetje me Kurtin edhe pse doli kundër tij: Kosovës i duhen miq për rrumbullakimin e shtetëformësisë – e ka mbështetjen paekuivokë
