Ndryshon pista e shkaqeve te vdekjes se 4 rusëve/ Ambasada ruse: Jemi ne kontakt me autoritetet
Ambasada ruse në Shqipëri të dielën e 17 tetorit ka konfirmuar identitetet e vdekjes së katërfishtë të shtetasve rusë, mbrëmjen e 15 tetorit në një hotel në Qerret.
Përkatësisht ata janë: Natalia Burenkova, Sergey Burenkov, Ekaterina Burenkaya dhe Nikita Belousov.
Nga ambasada u njoftua se janë në kontakt të vazhdueshëm me agjencitë ligjzbatuese shqiptare dhe po heton rrethanat e asaj që ka ndodhur.
“Ne presim një hetim të plotë nga pala shqiptare e shkaqeve të vdekjes së rusëve”, bëhej me dije në faqen zyrtare Twitter të Ambasadës.
Gjithashtu ajo njoftoi të afërmit e të ndjerëve se trupat e tyre do të riatdhesohen në vendlindje.
🇷🇺🇦🇱 Посольство подтверждает факт гибели 4 росграждан. Консульский отдел находится в контакте с правоохранительными органами и выясняет обстоятельства произошедшего.
Рассчитываем на тщательное расследование албанской стороной причин смерти россиян.https://t.co/JeXClcuWMx pic.twitter.com/a5IC8jptgs— Russian Embassy in Albania (@RussianAlbania) October 17, 2021
Ndërkohë gjatë kësaj dite dolën detaje të reja për sa i përket vdekjes së tyre.
Shtetasit rusë kanë gjetur vdekjen në ambientet e pishinës dimërore të hotelit dhe jo në sauna siç u raportua më herët.
Përkatësisht mësohet se policia dhe Prokuroria po hetojnë në disa pista. Më e mundshmja është ajo e asfiksisë për shkak të klorit në ujin e pishinës.
Dyshohet se përqendrimi i klorit ka qenë shumë i lartë, duke bërë që ata të asfiksohen dhe të gjejnë vdekjen.
Prokuroria po heton dhe mundësinë e helmimit të tyre. Ata një ditë para mbërritjes në Shqipëri, kishin drekuar në shtetin fqinj, Maqedoninë e Veriut.
Deri më tani mësohet se janë marrë kampionët e ujit dhe të klorit të përdorur në pishinë. Gjithashtu është matur cilësia e ajrit nga ekspertët.
Mediat e huaja, e mbi të gjitha ato ruse, e kanë pasqyruar ngjarjen me kuriozitet. Ndër këto media, edhe ajo britanike, Daily Mail, i ka kushtuar një artikull të veçantë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shqipëria, Britania e Madhe dhe Kosova nënshkruajnë deklaratë bashkëpunimi kundër migracionit të paligjshëm
-
Saathoff takim me Dumanin: SPAK, institucion kyç për integrimin e Shqipërisë në BE
-
Gjykata Kushtetuese rrëzon kërkesat e ish-ministrit Lefter Koka
-
Qeveria plan me 4 pika për rritjen e kreditimit të ekonomisë, në fokus bujqësia
Lajmet kryesore
-
Kosova përfundimisht mbetet jashtë agjendës për Këshillin e Evropës
-
Gjykata Kushtetuese rrëzon kërkesat e ish-ministrit Lefter Koka
-
Pse rusët po përparojnë dhe Ukraina po përpiqet t’i ngadalësojë?
-
Shqipëria, Britania e Madhe dhe Kosova nënshkruajnë deklaratë bashkëpunimi kundër migracionit të paligjshëm