Çfarë i ndodhi vërtetë turistëve rusë në Qerret?

Faqet kryesore të gjithë mediave shqiptare, natën e 15 tetor, u mbushën me një kryetitull aspak të pëlqyeshëm: Katër turistë rusë, janë gjendur të vdekur në saunan e një hoteli në Qerret!

Ngjarja, edhe pse në orë shumë të vona, rroku vëmendjen e mbarë publikut, të cilin e mbërtheu pas ekraneve.

Detajet ishin të pakta në mënyrë fillestare. Policia raportoi rreth orës 23:00, se katër rusët ishin gjendur në orën 22:30, të pajetë, në sauna.

Hamendësimet fillestare, ishin ato të asiksimit.

Një punonjës i hotelit, foli më pas për mediat.

“U mundova t’i informoja se pijet dhe frutat që kishin porositur, ishin gati. Pasi askush nuk mu përgjigj, u futa në sauna dhe i gjeta aty, të pajetë. Njëri ishte në shezlong. Dy ishin ulur tek bankina dhe i katërti ishte ulur buzë pishinës me këmbët e zhytura në ujë”.

Nga vetë policia dhe grupi hetimor, pak detaje kanë dalë në dritë.

Por, mendohet se katër turistët, mund të kenë kaluar edhe një overdozë droge të kombinuar me pije alkoolike. Dyshimi, bie mbi kokainën. Megjithatë, asgjë nuk është zyrtare. Asgjë, veçse humbjes së tyre të jetës, në rrethana të pazakonta.

Mediat e huaja, e mbi të gjitha ato ruse, e kanë pasqyruar ngjarjen me kërshëri gjithashtu. Ndër këto media, edhe ajo britanike, Daily Mail, i ka kushtuar një artikull të veçantë.

Gjithsesi, versionin zyrtar – dhe përfundimtar – të ngjarjes, të gjithë ende po e presin.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.