Vjen nga Gjilani, e hapat për sukses në futbollin ndërkombëtar po i bën shumë të mëdha.
Bëhet fjalë për ish-futbollistin e Ballkanit, Mirlind Daku, i cili karrierën në Kroaci me skuadrën e Osijek-ut e ka nisur shumë mirë.
Gjatë fundjavës, ai shënoi dy herë për t’i sjellur skuadrës së tij fitoren në një ndeshje shumë të luftuar me Gorica-n.
E veçanta ishte që ai luajti vetëm 20 minuta, dhe rrugën e rrjetës e gjeti dy herë.
Daku, që gjatë javëve të para nuk morri shumë minuta, po i tregon trajnerit të tij që inkuadrimi i tij është i domosdoshëm.
Paraqitja e tij vendimtare përballë Goricës, atij i ka dhuruar një vend në formacionin e javës në Ligën Kroate.
Daku është vlerësuar me notën më të madhe, 8.5, nga tablodi i statistikave, Sofascore.
Në formacionin e javës bën pjesë edhe mbrojtësi i krahut të majtë, Jon Mersinaj, që është futbollist në radhët e Lokomotivës së Zagrebit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Knaus: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
