Milan-i është duke vazhduar përgatitjet për sezonin që sapo ka filluar dhe kuqezinjtë janë duke menduar për repartin e mbrojtjes.
Mbrojtësi i Eintracht Frankfurt-it, Evan Ndicka, është futbollisti që po pëlqehet shumë nga kuqezinjtë, derisa edhe ekipe tjera kanë shfaqur interesim për të.
Siç raportohet nga gazetari italian, Alfredo Pedulla, drejtuesit e kampionëve të Italisë kanë gati ofertën prej 15 milionë euro për ta bindur klubin gjerman që ta lirojë Ndicka-n.
— Alfredo Pedullà (@AlfredoPedulla) August 16, 2022
Ky i fundit ka kontratë më klubin nga Frankfurti deri në verën e vitit të ardhshëm, andaj me gjasë kjo ofertë pritet të pranohet nga kampionët e Ligës së Evropës.
Sa i përket futbollistit, mediat italiane shkruajnë se Paolo Maldini tashmë ka biseduar me 22-vjeçarin dhe palët kanë arritur marrëveshje për nënshkrimin e kontratës.
Kujtojmë që Ndicka shkëlqeu në sezonin e kaluar me fanellën e Eintracht Frankfurtit, i cili regjistroi në total 44 paraqitje duke shënuar katër gola dhe aq asistime.
Ai është pjesë e klubit gjerman që nga vera e vitit 2018, kur u transferuar nga skuadra franceze, Auxerre për 5.5 milionë euro, ndërsa vlera e tij në treg aktualisht është rreth 40 milionë euro.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
LDK-ja s’e pranon “instrumentalizimin” e opozitës: Dorëheqja e Kurtit duhet t’i paraprijë datës së zgjedhjeve
-
SPAK sekuestron mbi 3 milionë euro pasuri të ish-shefit të Operacionales, Oltion Bistri
-
Michael Cohen detajon se si ishte jeta si avokat i Trump-it
-
Blinken i thotë Zelenskyt se ndihma ushtarake amerikane është rrugës