Gjatë operacionit, i cili u zhvillua më 16 qershor, autoritetet turke neutralizuan tetë anëtarë të grupit të atentatit.
Ata sekuestruan tre pistoleta, tre silenciatorë dhe dy pajisje lazer.
Lajmi u bë i ditur nga korrespondenti i korporatës së transmetimit publik izraelit, Amichai Stein.
Shtatë persona janë dërguar në gjykatë, ndërsa katër janë burgosur nën akuzën e “Spiunazhit politik dhe ushtarak”.
Për herë të parë që nga shpërthimi i komplotit terrorist iranian për rrëmbimin e izraelitëve në Turqi, media turke publikoi dokumentacionin e celulës iraniane që tentoi të kryente rrëmbimet.
Dokumentacioni përfshinte armët e përdorura nga celula iraniane, të cilat u sekuestruan nga autoritetet turke.
Duke vepruar kështu, Turqia hedh poshtë pretendimin e Abdollahian-it se Teherani nuk u përpoq të rrëmbejë izraelitët në Turqi.
Marrëdhëniet midis selisë së Mossad-it dhe Stamboll-it zyrtar janë forcuar muajt e fundit.
Oficerët e agjencisë së spiunazhit kanë qenë në kontakt të rregullt me homologët e tyre turq.
Kjo, për të penguar komplotet e inteligjencës iraniane, e cila është e etur për hakmarrje ndaj Izrael-it.
Celula vrasëse nga Forca ‘Quds’ e Gardës Revolucionare Islamike ishte vetëm një hap larg turistëve izraelitë në një hotel.
Të dyshuarit u arrestuan nga agjentët e inteligjencës turke dhe kombësia e tyre nuk u publikua.
Bashkëpunimi gjithnjë e më i ngushtë midis Mossad-it dhe Organizatës Kombëtare të Inteligjencës së Turqisë është ajo që, deri më tani, i ka penguar iranianët të arrijnë qëllimet e tyre.
Në përgjithësi, Mossad-i është ai që jep informacionin dhe inteligjenca turke, më pas, hyn në veprim, duke i arrestuar të dyshuarit dhe rritur sigurinë për izraelitët.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Ballkani Perëndimor përballet me afate të detyrueshme në lidhje me tregun e energjisë elektrike
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse