“Më duket si dokument i përgatitur nga administrata e Tramp-it”, Maliqi për planin franko-gjerman
Filozofi dhe publicisti, Shkëlzen Maliqi, thotë se propozimi franko-gjerman mund të jetë shkruar nga administrata e ish presidentit të Shteteve të Bashkuara të Amerikës, Donald Trump.
“Mua më duket si dokumenti i përgatitur dy vjet më parë nga administrata Trump, qëllimi i të cilit ishte që të dy palët të bien dakord mbi parimet e një marrëveshjeje të përgjithshme dhe më pas ta realizojnë atë me kalimin e kohës”, thekson Maliqi për Danas.
“Kurti dhe Vuçiç kanë konfirmuar se kanë marrë një lloj letre që quhet plani franko-gjerman, por nuk e dimë se çfarë përmban konkretisht, përveç asaj që është publikuar në Albanian Post. Thuhet se plani franko-gjerman bazohet në modelin e dy Gjermanive”.
Maliqi konsideron që plani franko-gjerman merret më shumë me indikacionet e përgjithshme, se si të zgjidhet problemi i Kosovës, sesa që ofron një perspektivë të qartë dhe hapa për të arritur një zgjidhje.
Sipas tij, qeveria aktuale e Kosovës, “ka frikë të hyjë në procese”, derisa thekson se Kosova nuk e ka më mbështetjen “as të Evropës dhe as të Amerikës”.
“Qeveria ka frikë se fuqitë e mëdha nuk do t’i imponojnë sërish zgjidhje jopopullore dhe ata erdhën në pushtet me një program popullsitë”.
Albanian Post ekskluzivisht me 18 shtator pati publikuar propozimin franko-gjerman, ku tregohej në pika se si është përpiluar një plan për arritjen e një marrëveshje, e bazuar në modelin e dy Gjermanive, e cila parashihte njohje de fakto, por jo eksplicite dhe kishte Asociacionin e Komunave me Shumicë Serbe brenda.
Një muaj më vonë, me 19 tetor AP publikoi edhe një tekst me titullin “Grundlagenvertrag apo Plani Gjermano-Gjerman, lexojeni si është arritur dhe si duket Kosova me këtë propozim”, ku shpjegohej në detaje se çfarë është plani gjerman dhe si implementohen pikat e atij plani në rastin e Kosovës.
Në pjesën “Çfarë përmbante marrëveshja për normalizim?”, shpjegohen edhe pikat e marrëveshjesh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
-
Basha i reagon Gutierrezit: Me “boll më” mund t’u drejtohesh veç fëmijëve – unë jam deputet i pavarur në mendime
-
Pjesëmarrje masive në tubimin qendror të Frontit Evropian në Tetovë
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel