Skuadra e Manchester City-t nuk e ka harruar Gavi-n e Barcelona-s. Sipas medias spanjolle “El Nacional”, Gavi ka klauzolë lirimi vetëm 42 milionë paund.
Supetalenti 17-vjeçar që po shpërthen këtë sezon, ka bërë për vete shumë klube të mëdha. Të gjitha të gatshme për t’ia rrëmbyer katalanasve.
Sipas “El Nacional”, kontrata e Gavi-t skadon në 2023 dhe City duket se ka në plan të provojë fatin për nënshkrimin e tij.
Barcelona e vlerëson maksimalisht talentin spanjoll, por kur borxhi i saj është në shifrën e 1 miliard eurove, shitjet e yjeve pritet të mos kursehen gjithmonë.
Xavi Hernandez-i dhe Pep Guardiola janë të dy admirues të mesfushorit. Tashmë ngelet për t’u parë edhe dëshira e tij, nëse City bën përpjekje në këtë merkato.
Këtë sezon 17-vjeçari ka luajtur 16 ndeshje në La Liga dhe gjashtë në Champions League. Një gol dhe tre asiste mbajnë emrin e tij.
Që nga tetori i 2021, Gavi është thirrur edhe nga Luis Enrique në Kombëtaren A të Spanjës. Me të cilët numëron katër paraqitje. Dy në kualifikueset e Kupës së Botës, Katar 2022, si dhe dy në raundet finale të Nations League.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës