Manchester City mposht me rezultat të thellë Southampton-in dhe kalon në gjysmëfinale të FA Cup
Manchester City ka arritur të kualifikohet në gjysmëfinale të FA Cup, teksa ka mposhtur Southampton-in me rezultat të thellë 1:4.
Pas vetëm 12 minutash lojë, mysafirët kaluan në epërsi me golin e realizuar nga Raheem Sterling.
Por, vendasit arritën ta barazojnë rezultatin në fund të pjesës së parë, falë një auto-goli nga Aymeric Laporte.
Pjesa e parë përfundoi me rezultat të barabartë, teska në të dytën City arriti të shënonte edhe tre herë të tjera.
Rikthimi i epërsisë ndodhi në minutën e 61-të, kur mysafirët fituan një penallti dhe atë në gol e konvertoi Kevin de Bruyne.
Për epërsinë prej dy golave u përkujdes Phil Phoden, i cili realizoi një gol shumë të bukur në minutën e 75-të.
Pas vetëm tre minutash nga goli i tretë, Riyad Mahrez pranoi një asistim nga Ilkay Gundogan, për të realizuar për 1:4, rezultat me të cilin dhe përfundoi takimi.
Kutjojmë që në këtë ndeshje u inkuadrua edhe Armando Broja në minutën e 63-të, por nuk arriti të lërë gjurmë në këtë takim.
Kështu skuadra e Guardiola-s kualifikohet në gjysmëfinale së bashku me Chelsea-n dhe Crystal Palace, ndërsa gjysmëfinalisti i katër do të mësohet në ndeshjen e sotme mes Nottingham Forest dhe Liverpool.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
A mund ta përballojë BE-ja zgjerimin me Ukrainën dhe Ballkanin?
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
Përkrahja e Kurtit s’i ndihmoi VLEN-it t’i fitojë zgjedhjet, Kasami për AP: Bashkëpunimi do të vazhdojë