Për tremujorin e parë të vitit 2022, numri i lindjeve dhe i vdekjeve ka pësuar rënie.
Krahasuar me tremujorin e parë të vitit të kaluar, rënia llogaritet me 4,2 %, ndryshe 6 mijë e 56 lindje.
Kurse, numri i vdekjeve është 7 mijë e 938. Po ashtu, duke shënuar një rënie prej 22,3 %, krahasuar me tremujorin e parë të vitit 2021.
Sakaq, shtesa natyrore e popullsisë në tremujorin e parë të vitit 2022 tregon se janë 1 mijë e 882 vdekje më shumë se sa lindje.
Referuar një raporti të fundit nga Instituti i Statistikave (INSTAT), në tremujorin e parë të këtij viti, dy qarqe të vendit kanë shënuar shtesë natyrore pozitive të popullsisë.
Ndërsa, në dhjetë qarqet e tjera, shtesa natyrore e popullsisë është negative.
Qarku, me shtesën natyrore më të lartë është Tirana, me 203 lindje më shumë se sa vdekje, kurse qarku me shtesën natyrore më të ulët është Korça, me 379 vdekje më shumë se sa lindje.
Lindjet
Katër qarqe të vendit, në tremujorin e parë të vitit 2022, shënojnë rritje të numrit të lindjeve, në krahasim me tremujorin e parë 2021.
Ndërkohë, tetë qarqe të tjera shënojnë ulje, në krahasim me të njëjtën periudhë.
Qarku me numrin më të lartë të lindjeve është Tirana, me 2 mijë e 194 lindje, ndërsa qarku me numrin më të ulët është Gjirokastra me 106 lindje.
Rritjen më të lartë në përqindje të lindjeve gjatë tremujorit të parë të vitit 2022 krahasuar me të njëjtën periudhë të vitit 2021 e zë Qarku i Vlorës me 7,9 %.
Nga ana tjetër, rënien më të madhe e ka Qarku i Dibrës me 22,0 %.
Vdekjet
Në krahasim me tremujorin e parë të vitit pararendës, të gjitha qarqet e vendit shënojnë ulje të numrit të vdekjeve.
Qarku me numrin më të ulët të vdekjeve është Kukësi me 146 vdekje, ndërsa qarku me numrin më të lartë është Tirana me 1 mijë e 991 vdekje.
Uljen më të madhe në përqindje të vdekjeve gjatë tremujorit të parë të vitit 2022, krahasuar me të njëjtën periudhë pararendëse, e zë Qarku i Vlorës me rënie prej 30,1 %.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi: Ëndrra ime është që të gjithë shqiptarët të jetojnë në një shtet
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Aksioni i Frontex në Ballkan jep efekt, bien drastikisht kalimet e jashtëligjshme
-
Peleshi viziton qendrën e Inovacionit të Kërkimit dhe Mbrojtjes në Hungari
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
