Pas nënshkrimit të Julian Nagelsmann-it me Bayern Munich-un, Joan Laporta-s nuk i kanë mbetur shumë alternativa për stolin e Barcelona-s, nëse vendos largimin e Ronald Koeman-it.
Alternativat e mbetura të Laporta-s tanimë janë Pep Guardiola dhe Xavi Hernandez-i. Dy nga ish-legjendat e klubit. I pari, si trajner dhe i dyti si lojtare.
Guardiola është nën kontratë me City-n deri në 2023, ndërsa Koeman-in me Barcelona-n deri në 2022. Por, nëse Pep arrin të fitojë Ligën e Kampionëve dhe Premier Ligën që me shumë mundësi e ka të fituar tashmë, ai mund të largohet nga City duke zgjidhur me konsensus kontratën.
Guardiola është i lidhur me klubin e Barcelona-s, pasi ai është lindur në Santpedor të Katalonjës dhe hapat e parë në futboll i mori në ekipet zinxhire të Barçës derisa kaloi në ekipin e parë në 1991, ku luajti për 10 vite.
Ndërsa karrierën si trajner e filloi te Barcelona B në vitin 2007 dhe vetëm pas një viti kaloi si trajner i ekipit të parë. Me Barcelona-n qëndroi nga viti 2008 deri në 2012, duke i udhëhequr në 247 ndeshje. 179 fitore, 47 barazime dhe 21 humbje arriti Guardiola me Barçën, duke arritur një mesatare prej 2.36 pikësh për ndeshje.
50-vjeçari fitoi 14 trofe me katalanasit: dy Liga të Kampionëve, tre La Liga, tre Superkupa të Spanjës, dy Kupa të Spanjës, dy Superkupa të Europës dhe dy Kupa Bote për Klube.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ripërtëritja e legjitimitetit të dobësuar e largimi i fokusit nga dështimi, faktorë që detyruan Kurtin të mendojë për zgjedhje
-
Ballkani Perëndimor duhet ‘të përqafojë’ energjinë e rinovueshme për ngrohjen qendrore
-
Aktet e solidaritetit të palestinezëve do të demonizohen, por kurrë nuk kanë qenë kaq të forta
-
Takimi i shtatë për dinarin – “rasti i fundit” për një zgjidhje kompromisi
