Java e 24-të në La Liga do të mbyllet me derbin mes Espanyol-it dhe Barcelonës, me këta të parët që janë nikoçir të këtij takimi.
Barcelona, e cila po kalon një formë shumë të mirë, kërkon që me një fitore sonte të ngjitet përsëri në vendin e katërt.
Katalunasit luajnë derbin e katalunisë në “Cornella El Prat” përballë Espanyol.
Këta të fundit, edhe pse në vendin e 13-të, kanë treguar që janë shumë të mirë në ndeshjet që luajnë si vendas, dhe edhe sonte pritet që të jenë pengesë e madhe për Barcelonën.
Skuadra e drejtuar nga Xavi aktualisht ndodhet në vendin e pestë, me një pikë më pak se Atletico e vendit të katërt.
Fitorja e Atletico-s përballë Getafe-s, vë nën presion skuadrën blaugrane.
Asgjë përveç fitores nuk bën punë sonte për katalunasit, që poashtu po përgatiten edhe për duelin me Napoli-n në Europa League.
Ndeshja fillon në orën 21:00, deri sa më herët luajnë edhe skuadra tjera në luftë për zonën Champions.
Me fillim në orën 16:15, Real Betis i vendit të tretë udhëton te Levante e vendit të fundit.
Në 18:30, Real Sociedad kërkon që të vazhdojë ëndrrën për Evropën me një fitore eventuale përballë Granada-s.
Alaves – Valencia në orën 14:00 do të jetë ndeshja që hap ditën e sotme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Edhe Britania e do Asociacionin sa më shpejt që të jetë e mundur