Kylie Jenner prezanton linjën e kukullave të saj “Bratz”

Jo çdo ekskluzivitet i lodrave dhe mediave mund të ketë një hit të suksesshëm të verës, të drejtuar nga një film i dashur si “Barbie”.

Kësisoj, së fundmi, kompania e prodhimit të kukullave, MGA Entertainment njoftoi një linjë të re kukullash të frymëzuara nga ndikuesja dhe gruaja e biznesit amerikan, Kylie Jenner.

Koleksioni u publikua globalisht dhe është i disponueshëm për blerje online në faqen e internetit të Bratz.

Ky koleksion përfshin gjashtë versione në miniaturë të Kylie, secila prej të cilave përfaqëson “momente kyçe” në jetën e saj.

Për shembull, një prej tyre përfshin pamjen e saj ikonike në “Met Gala” të vitit 2019, ku ajo veshi një fustan, në të cilin dominonte ngjyra vjollcë.

“Unë kam qenë një fanse e Bratz që nga fëmijëria dhe gjithmonë kam dashur kukullën time Bratz”, tha Jenner në një njoftim.

“Më ka pëlqyer çdo hap i procesit vitin e kaluar në krijimin e këtyre kukullave së bashku me ekipin Bratz. Jam shumë e emocionuar që janë këtu”, ka shtuar ajo.

Një nga pretendimet e hershme të Jenner-it për famë është paraqitja e saj e rregullt në shfaqjen televizive të realitetit hit, “Keeping Up with the Kardashians”.

Ajo është vajza e matriarkut të familjes Kardashian, Kris Jenner dhe shfaqet së bashku me pjesën tjetër të familjes së saj, si gjysmë motra e saj Kim Kardashian.

Megjithatë, Jenner që atëherë ka bërë një emër për veten e saj përmes sipërmarrjeve të biznesit si Kylie Lip Kits, e cila më vonë u riemërua në Kylie Cosmetics.

Tani, drejtuesit në MGA Entertainment shpresojnë se kompania mund të fitojë para nga baza e fansave të saj përmes bashkëpunimit të ri.

“Jo vetëm që ky bashkëpunim do të zgjerohet në miliona fansa të Kylie-t, por do të arrijë edhe audiencën që u rrit me Bratz-in dhe që janë të ngazëllyer për të rijetuar stilin e jetës Y2K Bratz sot”, tha Drejtoresha Kreative e Bratz, Jasmin Larian.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.