Gjashtë raste të dhunës në familje janë paraqitur në polici gjatë ditës së premte, sipas raportit të Policisë së Kosovës, për 24 orët e fundit.
Në raportin e përditësuar të këtij institucioni tre raste kanë ndodhur në kryeqytet.
Një grua është sulmuar fizikisht nga bashkëshorti i saj, viktima ka pranuar tretman mjekësor, kurse i dyshuari gjendet në arrati.
E dyta nga kryeqyteti, po ashtu është sulmuar fizikisht nga bashkëshorti, i cili tashmë është arrestuar. Me vendim të prokurorit, i dyshuari “është dërguar në mbajtje”, thuhet në raport.
Ndërkaq një burrë, ka deklaruar se është sulmuar fizikisht nga djali i tij, pas një mosmarrëveshjeje. Sipas policisë i dyshuari gjendet në arrati.
Në qytetin e Fushë Kosovës, gjatë ditës së premte është paraqitur në polici, rasti i gruas e cila ka deklaruar se është sulmuar fizikisht nga bashkëshorti i saj. I dyshuari është arrestuar dhe me vendim të prokurorit është dërguar në mbajtje.
Kurse në Rahovec, viktima grua ka njoftuar policinë se është kanosur dhe fyer vazhdimisht nga kunata e saj, e cila vuan nga problemet psikike.
E dyshuara në bashkëpunim me Qendrën për Punë Sociale është dërguar për tretman mjekësor në repartin e psikiatrisë, njofton policia.
Në qytetin e Gjakovës, një grua ka deklaruar se është sulmuar fizikisht nga vëllai i saj, i cili vuan nga depresioni.
“Viktima femër kosovare ka njoftuar se është sulmuar fizikisht nga vëllai i saj i dyshuari kosovare i cili është në terapi për depresion”, thuhet në raportin e policisë.
Viktima është dërguar për trajtim mjekësor ndërsa, i dyshuari është arrestuar dhe me vendim të prokurorit është dërguar në mbajtje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
-
Vaksinat e personalizuara mRNA për melanomën hyjnë në fazën e re të provës
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE