Kosova e izoluar, Tahiri: Ndëshkimi amerikan kushton – Osmani, Kurti dhe Gërvalla të ngujuar në shtëpi
Ish-kryenegociatorja e Kosovës në dialogun teknik me Serbinë në Bruksel, Edita Tahiri, ka theksuar se forumet ndërkombëtare janë të vetmet formate ku liderët shtetërorë kosovarë mund të takojnë liderë evropianë e botërorë, kjo për shkak të sanksioneve të vendosura Kosovës pas mos-gatishmërisë së treguar për të de-përshkallëzuar situatën në Veri të Kosovës sipas kërkesave të komunitetit ndërkombëtar.
Përmes një postimi në rrjetin e saj social në Facebook, Tahiri duke komentuar vizitat e Osmanit, Kurtit e Gërvallës në forume të ndryshme ndërkombëtare ka shkruar se ndëshkimi amerikan në këtë rast për Kosovën po ka kosto.
“Ndëshkimi amerikan kushton, treshja e shtetit e ngujuar në shtëpi, tash vrap pas ftesave të takimeve rajonale, madje duke shkuar dy tre në te njëjtin takim, duke u lutur të hiqen sanksionet ndaj Kosovës. Rënie e shëmtuar e diplomacisë së Kosovës”, ka shkruar ajo në Facebook.
Presidentja e Kosovës, Vjosa Osmani, ishte në Alpbach të Austrisë në një forum, ndërsa kryeministri Albin Kurti, bashkë me ministren e Jashtme, Donika Gërvalla, në një tjetër forum “strategjik” në Bled të Sllovenisë.
Para disa ditësh Kurti ishte në një darkë jo formale i ftuar në Athinë të Greqisë.
Këto kanë mbetur format e vetme ku liderët e Kosovës mund të takojnë liderë evropianë e botërorë.
Përveç brenda margjinave të takimeve të tilla, udhëheqësit e Kosovës nuk kanë pasur prej kohësh vizita apo pritje dhe takime bilaterale.
E gjitha, për shkak të masave shtrënguese që i janë vendosur Qeverisë së Kosovës nga Bashkimi Evropian për shkak se Kurti refuzoi të aplikonte hapat për de-eskalim në Veri të kërkuar nga unioni – tërheqjen e kryetarëve shqiptarë nga objektet komunale në katër komunat veriore, largimin e policisë nga objektet dhe zgjedhjet e reja e kthimin në dialog.
Më vonë kushtet u pranuan, por masat shtrëngues mbetën, meqë BE tani kërkon implementim të plotë të hapave de-eskalues në mënyrë që të tërhiqet nga masat e vëna.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Po bëjmë negociata me Filipinet për të marrë krahë pune
-
“Asnjëherë s’më ka lënë në baltë – është i pa korruptuar”, Gërvalla me fjalë të mëdha për Kurtin
-
Kandidatja e partisë së Macron thotë se është mashtruar duke bërë një foto grupi ‘neo-naziste’
-
Haradinaj: E mbështes shpërbërjen e Kuvendit vetëm pas dorëheqjes apo shkarkimit të Kurtit
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë