Reforma në Drejtësi dhe puna e kryer nga SPAK do të vazhdojnë të mbështeten nga Shtetet e Bashkuara të Amerikës.
Ambasadorja amerikane Yuri Kim, në një takim me kryetarin e SPAK, Arben Kraja, si dhe prokurorë të organit të akuzës, ka mbrojtur tezën se janë parë më shumë rezultate.
“U takova në SPAK me Arben Krajën dhe prokurorët të ritheksoj mbështetjen e SHBA-ve për punën e tyre të rëndësishme”, ka shkruar ajo në Twitter.
Kim ka ravijëzuar se, paçka kërcënimeve dhe tentativave për nxitje, SPAK është i përqendruar në ofrimin e më shumë rezultateve që tregojnë se askush, pavarësisht gradës apo pasurisë, nuk është mbi ligjin.
“Pavarësisht kërcënimeve dhe tentativave për ndërhyrje, SPAK është i përqendruar në ofrimin e më shumë rezultateve që tregojnë se askush, pavarësisht gradës apo pasurisë së tij, nuk është mbi ligjin. Jo më pandëshkueshmëri”, ka vijuar ambasadorja.
Sipas saj, mënyrat e vjetra duhet të marrin fund në mënyrë që të ecet përpara, në mënyrë që qytetarët e rregullt të marrin frymë lirisht dhe të bëjnë një jetë më të mirë për veten dhe fëmijët e tyre.
“SHBA do të vazhdojë të mbështesë zbatimin e plotë të Reformës në Drejtësi. Le të vazhdojmë përpara së bashku”, ka përmbyllur postimin Kim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Balla thotë se është koha të krijohet shërbimi vullnetar zjarrfikës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës
