Ambasadorja amerikane në Tiranë, Yuri Kim, ka shprehur mospajtimin me vendimin e institucioneve shqiptare për të mos marrë pjesë në “Marshimin e Krenarisë”.
Albanian Post mëson se gjatë komunikimit me përfaqësuesen e Avokatit të Popullit, Erinda Ballanca, diplomatja amerikane e ka konsideruar këtë situatë “një turp”.
Tirana protestonte dhe festonte nën moton “Ne jemi familje”, marshimin e krenarisë të komunitetit LGBTQI+.
Parada u kthye pas një mungese 2-vjeçare për shkak të pandemisë COVID-19.
Gjatë marshimit aktivistët bënë një ndalesë në Kryeministri.
Aktivistja për të drejtat e njeriut dhe kryetarja e Aleancës LGBTI, Xheni Karaj, ndau disa fjalë edhe për kryeministrin Edi Rama.
Karaj i kujtoi Ramës premtimet dhe takimet para se të bëhej kryeministër dhe angazhimet e munguara prej qeverisë shqiptare gjatë kësaj kohe.
Para se të vijonin me marshimin e tyre, aktivistët mbuluan shkallët e Kryeministrisë me një flamur gjigant të ngjyrave të ylberit.
Me flamurin e LGBTQI+ në duar, e pranishme në “Paradën e Krenarisë” ishte edhe ambasadorja suedeze Elsa Håstad.
Gjatë paradës, turma prej dhjetëra qytetarësh shoqërohej nga muzika dhe pankartat shumëngjyrëshe.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
‘Ditët e Bujqësisë’: Bashkëpunim rajonal me fokus fuqizimin e bujqësisë dhe zhvillimin rural
-
Peleshi në Ministerialin e CEDC-Ballkani Perëndimor: Shqipëria, promovuse e bashkëpunimit rajonal dhe fqinjësisë së mirë
-
Shpërndante kokainë me doza në Shëngjin, arrestohet 26-vjeçari
-
Në tre muaj 1.5 milionë turistë vizituan Shqipërinë, 43,4% më shumë se vitin e kaluar
