Policia e Shtetit ka njoftuar që Policia e Tropojës ka vënë në pranga shtetasin Gj.Gj., dhe ka shpallur në kërkim dy të tjerë, Sh.Gj., dhe M.Gj., të cilët janë vëllezërit e autorit.
Ata kanë kërcënuar me armë zjarri, duke e goditur me mjete të forta shtetasin A.N.
Forca policore në Tropojë njoftojnë se është kërcënuar shtetasi A.N., përfaqësues i një subjekti kundërshtar politik, kurse vëllezërit më pas kanë dëmtuar dhe shkatërruar pronën e shkollës, e cila shërben si qendër e votimit.
Ata nuk u janë bindur urdhrave të punonjësve të policisë.
Policia njofton që “Në përfundim të veprimeve hetimore u bë arrestimi i shtetasit Gj. Gj., 62 vjeç, banues në Lekbibaj, për veprat penale ‘Dëmtime të tjera me dashje’, ‘Shkatërrimi i pronës’, ‘Mbajtja pa leje e armëve dhe e municionit luftarak’, ‘Kanosja’ dhe ‘Mosbindja ndaj urdhrit të punonjësit të rendit publik’”.
Procesi zgjedhor ka vijuar normalisht dhe me vendim të Qendrës së Votimit, Nr.2, Policia është larguar nga vendi i ngjarjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com