Kanadaja dhe Meksika përgatiten të presin amerikanët që kërkojnë abort

Nëse Gjykata Supreme e SHBA-ve voton për të rrëzuar “Roe kundër Wade”, shumë amerikanë, të cilët kanë nevojë për aborte kirurgjikale, mund të detyrohen të udhëtojnë në Kanada ose Meksikë.

Carolyn Egan, zëdhënësja e Koalicionit të të Drejtave të Abortit të Kanadasë, ka parë njerëz që kalojnë kufirin Kanada-SHBA për aborte – duke shkuar nga veriu në jug.

Në vitet përpara se Gjykata Supreme e Kanadasë të legalizonte abortin në vitin 1988, ishte e zakonshme që kanadezët, të cilët kishin nevojë për aborte, të udhëtonin në SHBA.

Nëse, siç tregon një projektvendim i zbuluar, Gjykata Supreme e SHBA-ve voton për të përmbysur “Roe kundër Wade”, shumë amerikanë, të cilët kanë nevojë për një abort kirurgjik, mund të detyrohen të udhëtojnë jo vetëm përtej kufijve shtetërorë, por, edhe një herë, përtej kufijve ndërkombëtarë – si përgjatë veriut kufi me Kanadanë dhe ai jugor me Meksikën.

Të martën, ministrja e Familjeve të Kanadasë, Karina Gould, ripohoi se amerikanët mund të kenë akses në shërbimet e abortit në Kanada.

Rreth 26 shtete ka të ngjarë të ndalojnë abortin nëse “Roe kundër Wade” përmbyset, sipas Institutit “Guttmacher”, organizatë amerikane kërkimore për të drejtat e shëndetit seksual dhe riprodhues.

Kjo përfshin Michigan-in, ku ka shumë klinika aborti.

“Nëse një shtet si Michigan do ta ndalonte abortin, sigurisht që do të kishte interes për të kaluar kufirin”, tha Egan.

Në Michigan kjo është e ndaluar që në vitin 1931, porse mund të fillojë automatikisht kur “Roe kundër Wade” të përfundojë.

Ata që udhëtojnë ndërkombëtarisht, nuk do ta gjejnë falas – personat pa status imigrimi në Kanada tarifohen rreth 500 dollarë kanadezë (388 dollarë amerikanë) për një abort kirurgjikal, tha Egan – por amerikanët nuk kanë nevojë për një kartë shëndetësore për të hyrë në klinikat në Kanada.

Kohët e pritjes ndryshojnë, nga një deri në dy javë në Ontario deri në disa javë ose muaj në provincat e Atlantikut.

Kalimi i kufirit ndoshta do të jetë i mundur vetëm për ata që kanë mundësi ta bëjnë. Mbrojtësit e abortit në SHBA kanë theksuar se, pas rënies së “Roe kundër Wade”, do të jenë gratë e bardha më të pasura që do të kenë mjetet – duke përfshirë udhëtimin – për të aksesuar abortin, ndërsa njerëzit me të ardhura më të ulëta dhe ata që përballen me barriera socio-ekonomike, duke përfshirë gratë afrikano-amerikane, latine dhe indigjene dhe personat transgjinorë mund të luftojnë më shumë.

Një mundësi më pak e kushtueshme në fillim të shtatzënisë ndoshta do të vazhdojnë të jenë pilulat e abortit, të cilat mund të merren ose me postë, ose nëpërmjet shërbimeve teleshëndetësore.

Por pasi punoi për më shumë se dhjetë vjet në klinikat në Irlandë, ndërsa aborti ishte i paligjshëm, Doherty thotë se nuk ka dyshim se njerëzit do të kalojnë kufijtë.

Në jug të kufirit të SHBA-ve, avokatët meksikanë po përgatiten për një rritje të vizitave të amerikanëve për të aksesuar shërbimet e abortit.

Në vitin 2021, Gjykata e Lartë e Meksikës vendosi se ishte jokushtetuese kriminalizimi i abortit, megjithëse aksesi ende ndryshon sipas shtetit.

Grupi i avokimit “Las Libres” është pjesë e një rrjeti që ndihmon njerëzit në të dy anët e kufirit të kenë pilula për abortin.

Vero Cruz, koordinatore e avokimit me “Las Libres”, tha se amerikanët mund të marrin teknikisht abort kirurgjik në klinika publike në shtete të caktuara meksikane falas, megjithëse ajo nuk njeh ende askënd që e ka bërë këtë.

Cruz tha se abortet kirurgjikale ishin të disponueshme në Sinaloa, Coahuila dhe Baja California, por vetëm deri në 12 javë të shtatzënisë.

Egan theksoi se edhe amerikanët në Kanada do të priten ngrohtësisht. Shumë kanadezë janë të mërzitur për përfundimin e afërt të “Roe kundër Wade”.

Kjo e fundit mbron të drejtën e një aborti në SHBA, deri në atë pikë sa fetusi mund të mbijetojë jashtë barkut të nënës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.