Një javë më parë, në “Anfield”, Arsenal-i mbajti një 0-0 me dhjetë futbollistë përballë Liverpool-it.
Jo vetëm rezultati, por edhe paraqitja, la shpresa të mëdha që topçinjtë do mund të arrinin finalen e Carabao Cup nga ndeshja në Emirates.
Por, kjo nuk ndodhi, ndonëse edhe sonte ata kishin një performancë tejet pozitive.
Edhe pse ndoshta më të mirë në lojë, një dyshe e Liverpool-it pushkatoi çdo ëndërr të tyre.
Bëhet fjalë për portugezin Diogo Jota dhe anglezin Trent Alexander-Arnold.
I pari shënoi, dhe i dyti asistoi, dy herë i njëti episod për të dërguar Liverpool-in në finalen e serisë.
Në minutën e 19-të dhe 79-të, Jota dhe Arnold kombinuan për fitoren e të kuqve.
Në “Wembley”, me 27 shkurt, Liverpool dhe Chelsea luajnë për trofeun e parë të sezonit në Angli.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com