Manchester United befasisht humbi ndeshjen hapëse të Champions League përballë zviceranëve të Young Boys.
Djajtë e kuq pësuan golin në minutën e fundit të shtesës, duke humbur 2-1.
Fajtori për atë gol, ishte Jesse Lingard, i cili me një pasim shumë të gabuar, i dhuroi golin Young Boys-ave.
Mirëpo, trajneri Solskjaer e mbështet plotësisht Lingard-in, duke e arsyetuar gabimin e tij.
“Jemi njerëz, të gjithë bëjmë gabime”, u shpreh ai pasi u pyet se a bie përgjegjësi mbi Lingard-in.
“Asnjë futbollist nuk dëshiron të bëj gabime, por fatkeqësisht edhe kjo është pjesë e lojës”.
“Do të mesojmë nga ky gabim”, vazhdoi ai, “edhe ne si klub, edhe Jesse”.
“Të dielën kemi një tjetër ndeshje të rëndësishme, përballë West Ham, kemi nevojë të fokusohemi”.
Solskjaer shprehet i qetë pasi kjo “është vetëm ndeshja e parë në grup”.
“Do të tentojmë të marrin tre pikët në ndeshjen e ardhshme dhe pastaj të ndërtojmë një formë të mire”, tha Ole.
Edhe futbollistin që morri karton të kuq, Aaron Wan-Bissaka, Solskjaer arsyeton.
“Ai është shumë i mirë, ndër më të mirët në botë, gabimet ndodhin”.
United dy sezonet e kaluara u eliminua në grupe, dhe këtë vit djajtë e kuq synojnë që ta përmirsojnë veten, duke arritur në fazën knock-out.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës