Irani mohon se Rusia do të përdorë satelitin e saj për qëllime ushtarake

Asnjë vend, përfshirë Federatën Ruse, nuk do të përdorë imazhe nga sateliti iranian Khayyam për qëllime ushtarake.

Lajmi u bë i ditur nga agjencia shtetërore iraniane IRNA, duke iu referuar Agjencisë Iraniane të Hapësirës.

“Raportimet që u shfaqën në disa media masive për përdorimin e imazheve nga ky satelit për qëllime ushtarake të vendeve të tjera nuk janë të vërteta…Të gjitha urdhrat në lidhje me menaxhimin dhe funksionimin e këtij sateliti do të kryhen dhe jepen menjëherë pas nisjes nga specialistë iranianë të vendosur në bazat hapësinore që i përkasin Ministrisë së Komunikimeve dhe Teknologjisë së Informacionit në territorin e Republikës Islamike të Iranit”, vëren njoftimi zyrtar.

Agjencia ruse e hapësirës “Roscosmos” njoftoi lëshimin e satelitit Khayyam më 9 gusht për të përmbushur marrëveshjen me Iranin.

Sateliti do të lëshohet nga një mjet lëshues rus Soyuz nga stacioni hapësinor Baikonur në Kazakistan.

Rusia ka rënë dakord të ndërtojë dhe lëshojë sistemin Canopus-V, i cili do të pajiset me një kamerë me rezolucion të lartë.

Kjo do t’i siguronte Teheranit aftësi të paprecedentë, duke përfshirë monitorimin pothuajse të vazhdueshëm të vendeve kritike në Izrael dhe Gjirin Persik.

“Washington Post” raportoi se Rusia do të përdorë Khayyam-in për disa muaj për të monitoruar objektivat e saj ushtarakë në Ukrainë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.