Inter-i i Antonio Conte-s nuk di të ndalet. Zikaltrit fituan minimalisht përballë Bologna-s, 0-1, në fushën e këtyre të fundit, duke u shkëputur me tetë pikë nga vendi i dytë, Milan-i.
Bologna – Inter, ishte sfida përmbyllëse e javës së 29 në Serinë A italiane. Në stadiumin “Renato Dall’Ara” mjaftoi një gol i Romelu Lukaku-t në minutën e 31 të pjesës së parë.
Djemt e Conte-s renditen në vendin e parë me 68 pikë. Ndiqen nga Milan-i me 60 pikë, Atalanta me 58 pikë dhe Juventus-i, së bashku me Napoli-n me nga 56 pikë.
Inter-i është pranë rrëzimit të hegjemonisë së nëntë viteve rresht të fitores së Serisë A nga Juventus-i. Bardhezinjtë tashmë rrezikojnë edhe pjesëmarrjen në Ligën e Kampionëve, sezonin e ardhshëm.
Të mërkurën do të luhen ndeshjet e prapambetura në Serinë A. Juventus-i do të presë Napoli-n dhe Inter-i do të presë Sassuolo-n.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Edhe Britania e do Asociacionin sa më shpejt që të jetë e mundur
