Sulmuesi argjentinas i Lazio-s, Joaquin Correa, është pranë ndjekjes së ish-trajnerit të tij, Simone Inzaghi-t drejt Milanos, te skuadra e Inter-it.
Sipas raportimeve që vijnë nga Italia, Inter-i ka arritur marrëveshjen me lojtarin, për një kontratë katërvjeçare, ndërsa me Lazio-n nuk është biseduar ende mbi kërkesat ekonomike.
Megjithatë pritet që Inter-i një pjesë të të ardhurave nga shitja e Romelu Lukaku-t t’i investojë te Correa.
26-vjeçari u ble nga Lazio në vitin 2018 për shifrën e 15.3 milionë eurove te Sevilla dhe tani lacialët kërkojnë rreth 50 milionë euro për ta lënë të lirë.
Correa ka luajtur në total 117 ndeshje me Lazio-n, gjatë të cilave ka shënuar 30 gola dhe ka dhuruar 18 asiste.
Inter-i gjithashtu po tenton t’i mbyllë sa më shpejt marrëveshjet me Edin Dzeko-n dhe Denzel Dumfries-in.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’
