Një tërmet me magnitudë 7.4 të shkallës Rihter ka goditur brigjet e provincës të Sulawesi-t Jugor të Indonezisë, duke bërë që njerëzit të evakuojnë shtëpitë dhe ndërtesat.
Tërmeti ndodhi rreth orës 10:30 me orën lokale (03:30 GMT) të martën në detin Flores. Ai preku edhe rajonin lindor të Nusa Tenggara-s.
Ende nuk raportohet për të lënduar apo dëme të mëdha, por vendasit kanë deklaruar se ndjenë lëkundje të mëdha.
Nga ana tjetër u paralajmërua për cunami por më pas autoritetet e tërhoqën thirrjen.
Videot në mediat sociale treguan njerëzit në qytetin e Makassar duke vrapuar nga dyqanet dhe ndërtesat.
Të tjerë treguan dhjetëra njerëz duke vrapuar nëpër korridoret e një spitali në rrethin e Bantaeng, ndërsa zëri i një burri në sfond dëgjohej duke bërtitur “tërmet”.
RSUD Prof Anwar Makkatutu Bantaeng di landa panik akibat Gempa @SupirPete2 @Daeng_Info pic.twitter.com/cXbQR0DwkY
— Ilham Akbar (@belattt) December 14, 2021
Raportohet gjithashtu se një hotel është evakuuar.
Fotot e realizuara nga një media lokale tregonin disa shtëpi që ishin shkatërruar pjesërisht si pasojë e tërmetit.
Tërmeti ka ardhur vetëm dhjetë ditë pas shpërthimit të madh vullkanik të malit Semeru në ishullin Java, i cili vrau të paktën 46 njerëz.
Tërmetet janë të zakonshme në Indonezi pasi arkipelagu shtrihet në “Unazën e Zjarrit”, një kurbë vullkanesh dhe qarje të tokës në Oqeanin Paqësor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
