Ibrahimovic: Do të luaj futboll, derisa të vijë dikush më i mirë se unë

Zlatan Ibrahimovic thotë se do të vazhdojë të luajë futboll derisa të vijë “dikush më i mirë” se ai.

Sulmuesi veteran i AC Milan bëhet një lojtar i lirë këtë verë, por dëshiron të zgjasë kontratën e tij me skuadrën italiane për të paktën një sezon tjetër.

“Dua të luaj për aq kohë sa të mundem”, tha Ibrahimovic. “Realiteti është se unë do të luaj derisa të shoh se dikush është më i mirë se unë, kështu që unë jam ende duke luajtur”.

“E ardhmja ende nuk është shkruar. Nuk e kam në plan të largohem. Le të shohim se çfarë do të ndodhë”.

“Nuk dua të pendohem që ndalova së luajturi futboll dhe më pas thashë se mund të vazhdoj të luaj futboll, sepse atëherë do të pendohesha për pjesën tjetër të jetës sime, duke parë që mund të kisha vazhduar. Dua të luaj për aq kohë sa të mundem”, shtoi Zlatan.

Ibrahimovic, 40, dukej se ishte afër pensionimit në vitin 2018 kur u largua nga Manchester United për skuadrën e MLS, LA Galaxy.

Ai u kthye në Evropë në janar të vitit 2020 dhe ka performuar në një nivel të lartë me AC Milan.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.