“Asnjëherë, që nga shpallja e pavarësisë, Kosova nuk ka qenë më e izoluar në rrafshin ndërkombëtar se sa vitin e fundit”.
Kjo pasi që sipas ish-ministrit të Punëve të Jashtme të Kosovës, Skënder Hyseni, është si rrjedhojë e ardhjes në pushtet të Presidentes së Kosovës, Vjosa Osmani dhe Kryeministrit të Kosovës, Albin Kurti.
Ish-kryediplomati kosovarë, duke komentuar mos ftesën e Kosovës në një nisëm të organizuar nga Shtetet e Bashkuara të Amerikës, për shtetet demokratike, ka thënë se për një gjë të tillë duhet shqetësuar shumë.
“Kosova nuk është ftuar në samitin e shteteve demokratike, që organizohet nga Presidenti amerikan Joe Biden. A duhet të jetë ky ‘klubi’ ku duhet quar Kosovën, me Serbinë dhe Bosnjën (Lexo Republika Srpska). Jo, assesi. A duhet të shqetësohemi? Po, shumë. Tej mase shumë, sepse janë shenja të cilat, po nuk i lexuam saktë, mund të prodhojnë konsekuenca nga më të ndryshmet”, ka shkruar Hyseni në Facebook.
“Politika infantile e krerëve aktual të shtetit të Kosovës, krekosjet dhe arroganca në komunikimet ndërkombëtare, retorika konflikt-nxitëse, që është një ‘copy paste’ e retorikës serbe, si dhe politika shkatërruese e vetizolimit nuk ka si të përfundoj tjetërkund pos me Kosovën në të njëjtin ‘klub’ me Serbinë dhe Bosnjën! E kjo mund të ndryshojë matematikat rrënjësisht”, ka vazhduar më tej ai.
Sipas tij Kosova ka ardhur deri në këtë gjendje fal përpjekjeve dëshpëruese të binomit Kurti-Osmani për të njollosur dhe mohuar çdo progres që kanë bërë qeveritë e kaluara për të avancuar Kosovën drejt përmbylljes së shtet-ndërtimit.
“Çdo platforme televizive, konferencë, panel apo forum ndërkombëtar, nga këta të mjerë, Kurti, Osmani, ministrja e jashtme, shfrytëzohet për të treguar qysh Kosova paska qenë çerdhe e krimit të organizuar dhe korrupsionit e asgjë me shumë”.
Madje Hyseni mendon se me refuzimin e një rezolute nga deputetët e Lëvizjes Vetëvendosje për miratimin e Marrëveshjes së 4 shtatorit të vitit të kaluar në mes të Kosovës dhe Serbisë në Shtëpinë e Bardhë në Shtetet e Bashkuara të Amerikës është etabluar dhe konsoliduar politikat e vetëizolimit të Kryeministrit Kurti.
“Mesazhet krekosës që Kurti po dërgonte qoftë edhe duke refuzuar miratimin e një rezolute edhe ashtu jodetyruese për qeverinë, janë të rrezikshme dhe me pasoja. Ai akt politik i Kurtit ishte shumë më shumë sesa vetëm një refuzim. Pra, është e qartë që Kurti është një manipulues dhe mashtrues gjenial, i cili interesin personal dhe atë të vartësve të tij e vë para çdo interesi qytetar e nacional”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pse Putin e ka hequr aleatin nga posti i ministrit të Mbrojtjes së Rusisë?
-
Von der Leyen injoron të djathtën në Itali, takohet me Tajanin ndërsa eviton Melonin
-
Arrestohet trafikanti më i kërkuar i qenieve njerëzore në Evropë
-
Muhaxheri: Sveçla është në koordinim me Serbinë për sa i përket konfiskimit të armatimit në Veri
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’