Industria e modës duhet të shmangë pambukun nga Xinjiang, cili përbën 84% të eksporteve të Kinës të produktit.
Ky urdhër erdhi pasi një ligj i ri, i cili hyri në fuqi të martën e 21 qershorit, do i japë autoriteteve kufitare amerikane kompetenca më të mëdha për të bllokuar ose konfiskuar mallrat e lidhura me punën e detyruar në Kinë.
Akti i Parandalimit të Punës së Detyrueshme Ujgure (UFLPA), supozon se çdo produkt i prodhuar pjesërisht ose tërësisht në Xinjiang, në veriperëndim të Kinës, është i lidhur me kampet e punës të rajonit. Që nga viti 2017, autoritetet kineze kanë arrestuar deri në 1 milion ujgurë dhe i kanë nënshtruar punës së detyruar.
Industria e modës do të preket veçanërisht nga ligji i ri. Rreth 20% e pambukut në botë vjen nga Kina, dhe 84% e tij vjen nga Xinjiang.
UFLPA e ka caktuar pambukun një “prioritet të lartë për zbatim”, së bashku me domatet dhe polisilikonin. Çdo markë e modës britanike ose e BE-së që eksporton në SHBA do t’i nënshtrohet gjithashtu dhe dështimi për të siguruar certifikimin e duhur ose detajet e zinxhirit të furnizimit mund të rezultojë në gjoba deri në 250 mijë dollarë.
Megjithatë, ndalimi paraqet probleme të mëdha për industrinë. Liv Simpliciano i “Fashion Revolution” tha se pambuku i Xinjiang është i kudondodhur në zinxhirët e furnizimit.
“Vështirësia është se në fazën e prerjes [kur fibrat ndahen nga farat e tyre], pambuku nga vende të ndryshme përzihet së bashku, duke e bërë të pamundur gjurmimin e origjinës”, tha ajo.
Një numër kompanish teknologjike, mes tyre “TrusTrace”, “SupplyShift” dhe “TextileGenesis”, planifikojnë të përdorin “blockchain” dhe inteligjencën artificiale për të gjurmuar zinxhirët e furnizimit për etiketat e modës.
Markat mund të përdorin platformat për të regjistruar të gjitha porositë dhe certifikatat e tyre të blerjeve.
Për të vërtetuar përfundimisht mungesën e pambukut Xinjiang, markat do të duhet të tregojnë një “zinxhir të plotë digjital të kujdestarisë”, tha Shameek Ghosh, shefi ekzekutiv i “TrusTrace” – “ku një markë ka plotësisht kontrollin e zinxhirit të furnizimit nga ferma e tutje“.
Ndërsa moda ka qenë historikisht shumë e paqartë për zinxhirët e saj të furnizimit, tani ekziston një rast i fortë biznesi për transparencë të plotë.
Një raport i fundit nga instituti financiar “Planet Tracker” tha se zbatimi i gjurmueshmërisë “mund të përmirësojë fitimin neto mesatarisht me 3%-7% për kompanitë e veshjeve”. Dhe kjo është përpara se çdo aksion i modës të sekuestrohet nga forcat kufitare.
Për shkak të Rregullores së Përgjithshme të Mbrojtjes së të Dhënave, “TrusTrace” nuk sinjalizohet nëse pambuku Xinjiang gjendet në zinxhirin e furnizimit të një marke.
Megjithatë, teknologjia “blockchain” nuk është pa problemet e saj.
“Nëse jeni duke u mbështetur në diskrecionin e markës për të ratifikuar praktikat e tyre burimore, atëherë cili do të jetë efikasiteti?” pyeti Philippa Grogan nga “Eco-Age”.
Ai e përmbylli se, “teknologjia ‘blockchain’ nuk është e rregulluar, kështu që krijon një mjedis rreziku – mungesa e mbikëqyrjes rregullatore e bën atë të prekshëm ndaj manipulimit të tregut”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rafahu nuk është Stalingradi i Gazës – është një tjetër manipulim nga Netanyahu
-
Osmani: Mickoski na ktheu në Jugosllavi, zgjedh përfaqësuesit e shqiptarëve pa vullnetin e tyre – si Serbia, Rrahman Morinën
-
“Barazia në urinim”: Gratë e Amsterdamit fitojnë luftën për më shumë tualete publike
-
Ministri izraelit i Luftës thyen këmbën gjatë ecjes me biçikletë
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE