Ambasadori i Shteteve të Bashkuara të Amerikës në Serbi, Christopher Hill, ngjarjet e fundit mes Kosovës dhe Serbisë i konsideron si të rrezikshme për progresin në dialogun mes këtyre dy vendeve.
Ai përmes një përgjigje për mediumin serb “N1”, tha se tërheqja e serbëve nga institucionet e Kosovës nuk është zgjidhje e mosmarrëveshjeve.
“Nuk është zgjidhje e mosmarrëveshjeve aktuale dhe ka potencial për të përshkallëzuar më tej tensionet në terren”.
“Për këtë arsye, SHBA i bashkohen BE-së duke u bërë thirrje përfaqësuesve të Serbisë dhe serbëve të Kosovës që të respektojnë detyrimet e tyre të dialogut dhe të kthehen në institucionet e Kosovës për të përmbushur detyrat e tyre, duke përfshirë policinë, gjyqësorin dhe administratat lokale”, tha ai.
Ai ka përsëritur thirrjen e Bashkimit Evropian që të zgjatet afatin për konvertimin e targave.
“Në të njëjtën kohë, ne përsëri i bashkohemi BE-së duke u bërë thirrje autoriteteve kosovare që të respektojnë detyrimet e tyre pa vonesë. Kjo do të thotë zgjatje e menjëhershme e procesit të ri-regjistrimit të automjeteve dhe pezullim i çdo veprimi ndëshkues ndaj mbajtësve të targave KM derisa çështja e targave të zgjidhet nga palët në kuadër të dialogut”.
Duke shtuar se kjo nënkupton edhe fillimin e menjëhershëm të negociatave për themelimin e Asociacionit të Komunave me Shumicë Serbe.
“Dështimi i vazhdueshëm i Kosovës për të zbatuar këtë obligim cenon parimin e sundimit të ligjit dhe dëmton reputacionin dhe kredibilitetin e Kosovës”.
“I bëjmë thirrje palëve që të zgjedhin rrugën e dialogut dhe të përmbahen nga veprimet që do të çonin në dhunë dhe konfrontim. Shtetet e Bashkuara mbështesin plotësisht përpjekjet e BE-së për të vazhduar për të lehtësuar negociatat. Të dyja palët duhet të tregojnë se janë të gatshme të kërkojnë zgjidhje në mënyrë konstruktive dhe të respektojnë detyrimet e tyre të bëra në dialogun e lehtësuar nga BE-ja”, tha ai.
Të shtunën, zëdhënësi i Bashkimit Evropian, Peter Stano, në një përgjigje për Albanian Post, iu ka bërë thirrje autoriteteve të Kosovës që ta shtyjnë menjëherë, pa vonesa, vendimin për targat dhe t’i suspendojnë masat e shkallëzuara për qytetarët serbë.
Masa ‘paraprake’
Në Veri të Kosovës, përkatësisht në pikën kufitare në Jarinjë, është shtuar numri i pjesëtarëve të misionit të Bashkimit Evropian për Sundimin e Ligjit në Kosovë (EULEX).
Kjo, pas tërheqjes së “Listës Serbe” nga të gjitha institucionet e Kosovës.
Policë të EULEX-it nga kontingjenti polak janë duke qëndruar në Jarinje dhe po monitorojnë situatën nga afër.
Gjithashtu, në mes të Jarinjës dhe Mitrovicës së Veriut, edhe ushtarët e misionit paqeruajtës të NATO-s (KFOR-it) janë të stacionuar pranë rrugës kryesore.
Aktualisht, situata është e qetë dhe nuk raportohet për ndonjë incident.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi: Kam informacione se Kurti do ta mbështesë Pendarovskin në rundin e dytë të zgjedhjeve presidenciale
-
Sipas NYT, Gjykata e Hagës po përgatit urdhërarreste për liderët e Hamasit dhe Izraelit
-
Muja i bindur: Qeveria s’e dërgon Asociacionin në Kushtetuese për shqyrtim
-
Dokumentari i Rai 3: Ironi dhe akuza në Kuvendin e Shqipërisë
Lajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE