Kombëtarja e Kosovës në hendboll ka pësuar humbje nga Mali i Zi me rezultat 27:22, në ndeshjen e vlefshme për kualifikimet në Kampionatin Evropian “Euro 2022”.
Në ndeshjen që u luajt në Pallatin e Rinisë dhe Sportit në Prishtinë, dardanët dhanë maksimumin, por fati dhe gabimet e shkaktuara në fazën e sulmit, ua lehtësuan malazezëve fitoren.
Me shtatë gola të realizuar, Drenit Tahirukaj ishte më i miri tek kombëtarja kosovare.
Pavarësisht humbjes, ëndrra për kualifikim në Kampionatin Evropian nuk është shuar ende.
Kosova shpreson që kualifikimin në Evropian ta kërkojë përmes pozitës së tretë, edhe pse do të jetë shumë e vështirë.
Një gjë e tillë varet nga takimet e ardhshme të Kosovës dhe të kundërshtarëve të saj.
Kosova, pas kësaj humbje, mbetet në venin e fundit në tabelë me tre pikë gjithsej, po aq sa ka edhe Rumania, ndërsa në vendin e parë gjendet Suedia me maksimumin e pikëve, kurse në vend të dytë është Mali i Zi.
Ndërsa hendbollistët e Kosovës, ndeshjen e radhës do ta zhvillojë në udhëtim te Suedia më datë 2 maj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Partia do ribëhet, Meta paralajmëron ata që nuk janë pro tij
-
Hetimet mbi Kadastrën, SPAK zbardh akuzat për 4 të arrestuarit
-
Flota “fantazmë” ruse në Mesdhe: Ja se si Moska lëviz armët dhe naftën nën sytë e Perëndimit
-
Deputeti gjerman skeptik për anëtarësimin e Kosovës në KiE – çështja është Asociacioni
