Pas konfirmimit të vizitës së kryeministres serbe në Kosovë, Ana Bërnabiç, ka reaguar ish ministrja e Punëve të Jashtme, Meliza Haradinaj.
Sipas saj, ministria e Punëve të Jashtme ka harruar fyerjet e kryeministres serbe që janë bërë ndaj shtetit të Kosovës.
“BËRNABIQ PASKA VENDOSË ME ZBRITË NGA MALI NË KOSOVË – me leje të MPJ-së, e cila paska harruar që ajo asnjëherë nuk dështoi t’i fyejë shqiptarët, të mohojë masakrat e gjenocidin serb, e t’a përkrahë diskriminimin sistematik ndaj shqiptarëve në Serbi”, ka shkruar Haradinaj në ‘Facebook’.
Kryeministrja në largim e Serbisë, Ana Bërnabiç do të zhvillojë vizitën e saj të parë në Kosovë.
Kështu të paktën ka konfirmuar për Albanian Post, Zëdhënësja e Ministrisë së Punëve të Jashtme të Kosovës, Qëndresa Fazliu.
Fazilu për Albanian Post ka bërë të ditur se Ministria i është përgjigjur pozitivisht kërkesës së kryeministres që ta vizitojë Kosovën të hënën.
“Dhënia e lejes për vizitë bazohet në marrëveshjen lidhur me vizitat e ndërsjella të përfaqësuesve politikë mes Republikës së Kosovës dhe Serbisë”, ka thënë ajo shkurt për Albanian Post.
Ndryshe gjatë ditës e ashtuquajtura “Zyrë për Kosovën” në Qeverinë e Serbisë pati paralajmëruar se Bërnabiç, pritet të realizojë një vizitë zyrtare në Kosovë, më saktësisht në tre komunat veriore të banuara me serb.
Bërnabiç, gjatë vizitës së saj në Mitrovicën e Veriut, Zveçanin dhe Leposaviçin, do të jetë e shoqëruar me të ashtuquajturin drejtorin e “Zyrës për Kosovën” në Qeverinë e Serbisë, Petar Petkoviç.
“Kryeministrja do të vizitojë të hënën Mitrovicën e Veriut, ku do të takohet me qendrën multimedia në pjesën veriore të Kosovës dhe Akademinë Shpirtërore. Pas kësaj ajo do të vizitojë Manastirin Banjska në komunën e Zveçanit. Në komunën e Leposaviçit, Kryeministrja do të vizitojë familjet në nevojë” thuhet në njoftim.
Njoftimi më tej bënë të ditur se lajmërimi i vizitës së kryeministres serbe në Kosovës, është bërë të enjten më 1 shtator, 72 orë para vizitës, siç parashihet me Marrëveshjen për Vizita Zyrtare.
“Vizita e Bërnabiç, në Kosovë ka për qëllim të përcjellë mesazhe për ruajtjen e paqes dhe stabilitetit” thuhej më tej në komunikatë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ministri izraelit i Luftës thyen këmbën gjatë ecjes me biçikletë
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE
-
Thaçi: Ne fillojmë negociatat me VMRO-në në momentin kur ata janë gati ta tregojnë ditën për ndryshimet kushtetuese
-
Szunyog kërkon nga Kosova dhe Serbia bashkëpunim për Deklaratën për Personat e Zhdukur
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës