Guximi i adoleshentit – rrëmbeu avionin dhe e detyroi për zbritje në Shqipëri

Kur Mario Ventura mori revolen në dorë, me siguri do të ketë menduar “thjesht një lojë e vogël”.

Por, kur situata doli jashtë “lojës”, 18-vjeçari as e kishte menduar se emri i tij do të zinte ballinat e gazetave të kohës.

Bëhet fjalë për datën 7 janar 1970.

Në Spanjë, do të ndodhte rrëmbimi i parë i një avioni.

Mario Ventura, me një revolver lodër, urdhëroi pilotin të ndryshonte kursin e fluturimit për në Shqipëri.

Itinerari i planifikuar ishte nga Madridi për në Zaragoza.

Por, 50 minuta më vonë, Ventura krijoi pistoletën dhe rrëmbeu një anëtare të ekuipazhit.

“Dëshirat e Ventura-s”

Fillimisht, ai kërkoi fluturimin për në Kubë.

Pasi i thanë se në serbrator nuk kishte karburant të mjaftueshëm, ai urdhëroi që të niseshin për në Tiranë.

Kur piloti i pohoi se as kjo nuk do të ishte e mundur, adoleshenti kërcënoi se do të vriste të gjithë pasagjerët, një nga një.

Do të ishte ky moment kur drejtuesi i avionit, pa marrë parasysh “dëshirat” e Ventura-s, bëri ulje të detyruar në Zaragoza, me arsyen e furnizimit me karburant.

Rrëmbyesi ra dakord.

Në momentin e uljes, edhe pse me një armë drejtuar ndaj tij, piloti paralajmëroi kontrollin e trafikut ajror për atë çfarë po ndodhte.

Kur rrotat e avionit prekën tokën, pista ishte e rrethuar nga automjete ushtarake, makina policie dhe aq traktorë e kamionë, aq sa ishte e mundur të gjendeshin asokohe.

Menjëherë autoritetet ushtarake urdhëruan të fikeshin të gjitha dritat e pistës.

Aty, Ventura e gjeti veten ngushtë dhe këmbënguli se avioni duhej të ngrihej sërish për Tiranë, brenda 15 minutave, ose do të fillonte t’i ekzekutonte të gjithë në bord.

Ndërsa autoritetet ushtarake u përpoqën të komunikonin me të me megafon, inxhinierët po shfrynin dy nga gomat e avionit dhe një mekanik hoqi disa nga siguresat e tij, në mënyrë që elektriciteti i tij të mos funksiononte.

Autoritetet i thanë adoleshentit se nëse do të dorëzohej, do të shkonte në burg për disa vjet dhe ky do të ishte fundi i tij, por nëse do të dëmtonte dikë do të pushkatohej të nesërmen.

Ventura u largua nga aeroplani përmes një shkalle ndihmëse dhe dëshmitarët thanë se ai nuk tregoi shenja frike apo nervozizmi, por vetëm pak erë alkool.

Marrë nga gazeta spanjolle “SUN in English”, përshtatur për Albanian Post! 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.