Është betuar përpara presidentit Ilir Meta anëtari i gjashtë i Gjykatës Kushtetuese, Përparim Kalo.
Arrihet në këtë mënyrë, pas tre vitesh, kuorumi minimal prej gjashtë anëtarësh për bërjen funksionale të Gjykatës Kushtetuese në Shqipëri.
Ditën e djeshme, menjëherë pas propozimeve të Këshillit të Emërimeve në Drejtësi (KED), presidenti Meta ka emëruar juristin Përparim Kalo si anëtarin e gjashtë të Gjykatës Kushtetuese. Kalo u rendit i pari në listën e propozuar nga KED-ja.
Ai ka një eksperiencë rreth 30 vjeçare si ekspert i drejtësisë dhe çështjeve ligjore.
Përpara dy ditësh, betohej anëtari i pestë i Kushtetueses, Altin Binaj. Propozimi i prokurorit Binaj erdhi nga Parlamenti.
Ndërkohë pritet edhe një emërim tjetër i shpejtë për gjyqtarin e shtatë që do të bëhet pjesë e trupës.
Ngërçi i cili zgjati tre vite, duke pamundësuar fillimin e punës së Kushtetueses, është zgjidhur brenda pak ditësh me dinamika shumë të shpejta.
Çështja e Gjykatës Kushtetuese ka qenë një ndër më të përfolurat në vitet e fundit. Akuza të shumta janë hedhur nga të gjitha palët politike ndaj njëra – tjetrës.
Presidenti Meta e ka cilësuar si çështjen më jetike të jetës politike në vend emërimin e gjyqtarëve, pasi “vetëm kështu mund të mbrohet çdo rresht i Kushtetutës”.
Reagime të shumta pozitive erdhën nga eksponentët e huaj në Shqipëri. Pritet ende ndërkohë një koment nga kryeministri Edi Rama. Edhe kryetari i Partisë Demokratike, Lulzim Basha, nuk ka komentuar mbi fillimin e punës së Gjykatës Kushtetuese./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Balla thotë se është koha të krijohet shërbimi vullnetar zjarrfikës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës