Gjykata e Posaçme Kundër Korrupsionit dhe Krimit të Organizua (GJKKO) ka urdhër Prokurorinë e Posaçme (SPAK) të hetojë ish-kryetarin e Bashkisë Kavajë, Elvis Roshi.
Kjo pasi Gjykata e Durrësit pushoi hetimet e ngritura ndaj tij.
Roshi ishte kallëzuar nga Kontrolli i Lartë i Shtetit, në 2017-n për shpërdorim detyre, por me vendim të GJKKO çështja i kalon SPAK për hetim.
Asokohe u konstatuan një sërë parregullsish në fushën e urbanistikës dhe prokurimeve të fondeve publike me dëm ekonomik në vlerën e 33 milion lekëve.
GJKKO kërkon konstatimin e pavlefshmërisë absolute të kërkesës së Prokurorisë pranë Gjykatës së Shkallës së Parë të Juridiksionit të Përgjithshëm Durrës, me objekt: Pushimin e procedimit penal nr.317 të vitit 2017, të regjistruar për veprën penale “Shpërdorim detyre” parashikuar nga neni 248 të K. Penal.
Gjithashtu ajo kërkon kalimin e akteve që ndodhen pranë kësaj gjykate, të përcjella nga Gjykata e Shkallës së Parë e Juridiksionit të Përgjithshëm Durrës, për vijimin e hetimeve, Prokurorisë së Posaçme Kundër Korrupsionit dhe Krimit të Organizuar.
Roshi – në zgjedhjet lokale të vitit 2011 – si kandidat i socialistëve bë i pari i qytetit të Kavajës.
Me fitoren e tij, u la pas edhe rezultati historik i të djathtëve që katër vite më parë kishin fituar mbi 80 % të votave.
Roshi do ta fitonte sërish garën në vitin 2015, edhe pse ishte i akuzuar dhe dënuar në të shkuarën për trafik droge.
Por, vetëm dy vite më vonë procesi i nisur i dekriminalizimit fut në rrjetë emrin e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta “harron” Dumanin – akuza dhe paralajmërime për kundërshtarët
-
Hetimet mbi Kadastrën, SPAK zbardh akuzat për 4 të arrestuarit
-
Putini nuk e ka urdhëruar vdekjen e Navalnyt në shkurt, besojnë agjencitë amerikane
-
Kodi Civil si kundërpeshë e Asociacionit? – Premtimi i Kurtit për ta amortizuar presionin ndërkombëtar