Gjykata Kushtetuese Gjermane i ka hapur rrugë mëngjesin e të mërkurës, firmosjes së ratifikimit të Fondit të Rimëkëmbjes të Bashkimit Evropian. Pengesa e shkuar e planit të investimit gjerman, i cili binte ndesh me atë evropian, është tejkaluar.
Ky vendim merr rëndësi të madhe për lëshimin e një blloku prej 750 miliardë eurosh. Kjo, për të përballuar pasojat e pandemisë Covid-19.
“Të këqijat e mos aprovimit të këtij fondi, pavarësisht rënies ndesh me kushtetutën, janë më të mëdha se sa lejimi i zhvillimit të planit”, thuhej në deklaratën për shtyp të Gjykatës.
Ky ndryshim, i cili duhet të ratifikohet, ngre limitin e kontributit gjerman ndaj buxhetit të BE-së, me 0.6 pikë përqindje. Kjo e çon në 2% të produktit të brendshëm bruto vlerën deri në vitin 2058.
Shtatë nga tetë gjyqtarët e trupës ishin pro këtij vendimi.
Vendimin e ka përshëndetur edhe presidentja e Komisionit Evropian, Ursula von der Leyen.
“E mirëpres vendimin e sotëm nga ana e Gjykatës Kushtetuese Gjermane. BE-ja është në rrugën e duhur drejt rimëkëmbjes ekonomike”.
I welcome today’s decision by the German Constitutional Court.
The EU stays on track with its economic recovery, following this unprecedented pandemic. #NextGenerationEU will pave the way for a green, digital and more resilient European Union.#StrongerTogether
— Ursula von der Leyen (@vonderleyen) April 21, 2021
Ajo e përmbyll postimin, duke nënvizuar se “gjenerata e ardhshme e BE-së, do t’i hapë rrugë një unioni më jeshil, më digjital dhe më elastik”.
Gjykata më e lartë në Gjermani, kishte marrë në mars një vendim kundër kalimit të kësaj pakete. Tashmë, ajo kalon dhe plani evropian i rimëkëmbjes mund të vazhdojë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Erdogan do të takojë Biden më 9 maj
-
Zv.kryeministri i Irlandës thotë se politika e Mbretërisë së Bashkuar për Ruandën është “reagim i gjunjëzuar” ndaj migrimit
-
Kurti paralajmëron zgjidhje për Asociacionin dhe Kodin Civil për anëtarësim në Këshillin e Evropës
-
‘Ditët e Bujqësisë’: Bashkëpunim rajonal me fokus fuqizimin e bujqësisë dhe zhvillimin rural