Gjykata më e lartë civile në Gjermani ka vendosur se platforma Facebook ka gabuar kur u ka mohuar dy përdoruesve të drejtën për të përdorur emra të shpikur në llogaritë e tyre.
Referuar Gjykatës Federale të Drejtësisë, rastet rregullohen nga ligji në kohën e mosmarrëveshjes fillestare. Ato i përkasin legjislacionit të rinovuar të Bashkimit Evropian për privatësinë e të dhënave që ka hyrë në fuqi në maj 2018.
Agjencia e lajmeve, “Bloomberg”, tregon se kompania ka argumentuar se rregullat e reja të BE-së lejojnë platformën të bëjë klientët të përdorin emrat e tyre të vërtetë.
Madje, një zëdhënëse e kompanisë ka dalluar se vendimi bazohet në një kuadër ligjor të vjetëruar.
“Facebook-u është një platformë ku njerëzit komunikojnë me emrat e tyre të vërtetë. Përdorimi i emrave të vërtetë mbështet vërtetësinë dhe llogaridhënien në platformë”, ka theksuar ajo.
E gjitha ka nisur kur Facebook-u u ka thënë dy përdoruesve në janar dhe mars 2018, se kushtet e tij nuk i lejojnë ata të kenë llogari me emra të rremë.
Ata të dy e paditën atë, por humbën në një gjykatë më të ulët, e cila ka thënë se rregullorja e BE-së në maj 2018 e ndryshoi situatën.
Tanimë, gjykatësit e lartë të gjykatës i rrëzuan këto vendime, duke thënë se ligji i zbatueshëm në atë kohë lejonte emra të rremë llogarish për sa kohë që Facebook-u e dinte identitetin e vërtetë të përdoruesve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin
