Paulo Fonseca ka rënë dakord verbalisht për kushtet e kontratës me Milan-in dhe tani thuhet se është një hap larg marrjes së drejtimit nga Stefano Pioli.
Kuqezinjtë kanë qenë prej kohësh në kërkim të një trajneri të ri, gati për të zëvendësuar Pioli-n pas pesë vitesh në krye.
Pavarësisht sigurimit të një vendi të dytë në Serie A, dështimi për të përparuar në Champions League dhe për të vazhduar me Inter-in në garën për titull, doli zhgënjyese për tifozët dhe pronarët.
Një listë e gjatë trajnerësh u konsiderua nga Milan-i, duke përfshirë Julen Lopetegui, Sergio Conceicao dhe Mark van Bommel, por Fonseca u bë shpejt një kandidat kryesor.
Trajneri portugez ka impresionuar me Lille dhe eksperienca e tij te Roma është gjithashtu një faktor kyç.
Siç raportohet nga Daniele Longo i “Calciomercato.com”, Fonseca i ka dhënë dritën jeshile një kontrate trevjeçare me Milan-in me vlerë rreth 3 milionë euro neto në sezon dhe tani është vetëm një hap larg nga të bëhet trajneri i ardhshëm i klubit.
Së pari, kuqezinjtë duhet të ndërpresin lidhjet me Pioli-n, agjenti i të cilit Valerio Giuffrida mbërriti në selinë e klubit këtë mëngjes. Ende nevojitet një marrëveshje për pagesën e largimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Italia nis mbrojtjen e titullit evropian – Shqipëria për surprizën në Euro 2024
-
Investimet në infrastrukturë bujqësore arritën 5.7 milionë euro në katër muajt e parë të vitit
-
Italia mohon heqjen e referencave LGBTQ dhe abortit nga deklarata e G7
-
Kapacitet dhe sfidat financiare për të ndërtuar Depon Qendrore të Barnave në Kosovë
