Fansat që po presin me padurim debutimin në aktrim të yllit botëror të popit Dua Lipa në filmin “Barbie, tanimë e kanë një datë të rezervuar edhe për filmin e zhanrit triller “Argylle”.
Kompania “Apple Original Films” që mori të drejtat e filmit në gusht të vitit 2021, po bashkohet me “Universal Pictures” për ta shfaqur filmin në kinema më 2 shkurt të vitit 2024.
Përgjatë publikimit, filmi do të ketë kundër konkurrencë të fortë përfshirë “Wise Guys’ të Robert de Niros e Debra Messing si dhe filmin horror të Lionsgate “Imaginary” me Betty Buckley.
Apple kishte publikuar imazhin e parë të Henry Cavill dhe Dua Lipa në mars të vitit 2022, kur e pati paralajmëruar filmin në ardhje, shkruan DailyMail transmeton AlbanianPost.
Filmi shënon vetëm projektin më të fundit artistik të profilit të lartë për të cilin Apple po bashkohet me një distributor teatral.
Kompania Apple gjithashtu është bashkuar me Sony për filmin biografik historik të regjisorit Ridley Scott, “Napoleon”, me aktorin Joaquin Phoenix, i cili do të publikohet më 22 nëntor.
Shërbimi i transmetimit gjithashtu u bashkua me “Paramount” për filmin e shumëpritur “Killers of the Floëer Moon” të Martin Scorsese.
Kjo ka shënuar një zhvendosje të madhe nga shumica e shërbimeve të transmetimit, të cilat, deri këtë vit, rrallë i kishin dhënë filmave të tyre datat e daljes në kinema, përveç nëse kanë një dritare ekskluzive teatrale.
Gjithsesi, kasti i filmit përfshin edhe aktorët e tjerë me emër si: Samuel L. Jackson, Bryce Dallas Howard, Bryan Cranston, John Cena, Sam Rockwell, Catherine O’Hara, Ariana DeBose dhe Rob Delaney.
Nuk ka shumë detaje rreth personazhit të Dua Lipës në “Argylle”, por ajo do të shfaqet fillimisht në filmin e shumëpritur “Barbie” më 21 korrik të këtij viti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kevin Spacey kritikon dokumentarin e ardhshëm që do të shqyrtojë akuzat ndaj tij për abuzim dhe sjellje të pahijshme seksuale
-
Paul Rudd dhe Nick Jonas do të luajnë në komedinë muzikore “Power Balad” të regjisorit John Carney
-
“The Fall Guy” nuk arrin lartësitë e nevojshme për të bërë një spërkatje vërtet të madhe
-
Amy Schumer dhe Jennifer Lawrence synojnë të sjellin një film, por jo komedinë e premtuar vite më parë
Lajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit